കേരളത്തില്‍ പൊങ്കലിന് അവധി വേണമെന്ന് കരുണാനിധി

ചെന്നൈ: പൊങ്കലിന് കേരളത്തിലും പൊതു അവധി നല്‍കണമെന്ന് തമിഴ് നാട് മുഖ്യമന്ത്രി കരുണാനിധി മുഖ്യമന്ത്രി വിഎസ് അച്ചുതാനന്ദനോട് ആവശ്യപ്പെട്ടു. തമിഴ് നാട് അതിര്‍ത്തിയായി വരുന്ന കേരളത്തിലെ ജില്ലകള്‍ക്ക് പൊങ്കല്‍ അവധിയാക്കണമെന്നാണ് നിര്‍ദ്ദേശം.

ഈ ആവശ്യം ഉന്നയിച്ച് കരുണാനിധി കേരള മുഖ്യമന്ത്രിയ്ക്ക് കത്ത് അയച്ചിട്ടുണ്ട്. പാലക്കാട്, ഇടുക്കി, വയനാട്, തിരുവനന്തപുരം, പത്തനംതിട്ട എന്നീ ജില്ലകള്‍ക്ക് അവധി നല്‍കണമെന്നാണ് നിര്‍ദ്ദേശം.
തമിഴ് നാട് ഓണത്തിന് ചെന്നൈ, നീലഗിരി, കന്യാകുമാരി, തിരുപ്പൂര്‍, കോയമ്പത്തൂര്‍ ജില്ലകളില്‍ അവധി പ്രഖ്യാപിയ്ക്കുന്നത് ചൂണ്ടി കാണിച്ചാണ് കരുണാനിധി ഈ ആവശ്യം ഉന്നയിച്ചിരിയ്ക്കുന്നത്.

നിര്‍ദ്ദേശം അനുഭാവ പൂര്‍വം പരിഗണിയ്ക്കണമെന്നും കത്തില്‍ കരുണാനിധി ആവശ്യപ്പെട്ടിട്ടുണ്ട്.