വിവേകാനന്ദന് ഇടതുപക്ഷ ഹിന്ദു: ജയ്പാല് റെഡ്ഡി
ദില്ലി: സ്വാമി വിവേകാനന്ദന് ഒരേസമയം ഹിന്ദുവിപ്ലവകാരിയും അതേസമയം ഇടതുപക്ഷക്കാരനുമായിരുന്നെന്ന് കേന്ദ്ര നഗരവികസനമന്ത്രി ജയ്പാല് റെഡ്ഡി.
അതുകൊണ്ടാണ് വിവേകാനന്ദന് ആര്.എസ്.എസിനും കമ്യൂണിസ്റ്റുകള്ക്കും സ്വീകാര്യനായിരുന്നതെന്നും അദ്ദേഹം പറഞ്ഞു. വിവേകാനന്ദന്റെ 148മത് ജന്മദിനാഘോഷ ചടങ്ങില് സംസാരിക്കവേയാണ് മന്ത്രി ഇങ്ങനെ പറഞ്ഞത്.
ദേശസ്നേഹിയും മനുഷ്യസ്നേഹിയും എന്നുവേണ്ട ഭിന്നവ്യക്തി വിശേഷങ്ങള് നിറഞ്ഞയാളായിരുന്നു വിവേകാനന്ദനെന്നും ജയ്പാല് റെഡ്ഡി പറഞ്ഞു.
ബംഗ്ലാദേശ് പ്രധാനമന്ത്രിയുടെ ഉപദേശകന് ഡോക്ടര് അലാവുദീന് അഹമ്മദ്, മിസോറാം മുന് ഗവര്ണര് എ.ആര്.കോഹ്ലി, ഡല്ഹി സ്കൂള് ഓഫ് ഇക്കണോമിക്സ് മുന് ഡീന് ബി.പി.സിങ്, സ്വാമി വിദിതാത്മാനന്ദ സരസ്വതി, സ്വാമി പാര്ത്ഥസാരഥി തുടങ്ങിയവരും ചടങ്ങില് സംസാരിച്ചു.
നരേന്ദ്രനാഥ ദത്ത് എന്ന സ്വാമി വിവേകാനന്ദന് 1863 ജനുവരി 12 കൊല്ക്കത്തയിലാണ് ജനിച്ചത്. വിവേകാനന്ദന്റെ ജന്മദിനം ദേശീയ യുവജനദിനമായാണ് ആചരിക്കുന്നത്.