എയ്‍ഡ്‍സ്: കുടുംബത്തെ ചുട്ടുകൊല്ലാന്‍ ശ്രമം

ചെങ്കല്‍പ്പേട്ട്: തമിഴ്‌നാട്ടിലെ ചെങ്കല്‍പ്പേട്ടിലെ തിരുമണി ഗ്രാമത്തില്‍ എയ്‍ഡ്‍സ് രോഗബാധിതരായ രണ്ടുപേര്‍ ഉള്‍പ്പടെ ആറുപേരെ ചുട്ടുകൊല്ലാന്‍ ശ്രമം.

എയ്ഡ്‌സ് ബാധിതരായ രാധാകൃഷ്ണന്‍ (41), ഭാര്യ കാഞ്ചന (36), ഇവരുടെ കുട്ടികള്‍, ബന്ധുക്കളായ മറ്റു രണ്ടുകുട്ടികള്‍ എന്നിവരെയാണ് ഗ്രാമവാസികള്‍ ചുട്ടുകൊല്ലാന്‍ ശ്രമം നടത്തിയത്.

ഒരു സംഘമാളുകള്‍ വീടു പുറത്തുനിന്ന് പൂട്ടുകയും തുടര്‍ന്ന് വീടിന് തീയിടുകയായിരുന്നുവെന്ന് രാധാകൃഷ്ണന്‍ പരാതിയില്‍ പറഞ്ഞു.

എയ്‍ഡ്‍സ് ബാധിതരായതിനാല്‍ ഗ്രാമം വിട്ടുപോകണമെന്ന തിരുമണി പഞ്ചായത്ത് പ്രസിഡന്റ് രാധാകൃഷ്ണനോട് ആവശ്യപ്പെട്ടിരുന്നു. എന്നാല്‍ ഇതിനു തയാറാകാതിരുന്നതിനെ തുടര്‍ന്നാണ് ചുട്ടുകൊല്ലാന്‍ ശ്രമം നടന്നതെന്നും രാധാകൃഷ്ണന്‍ പരാതിയില്‍ പറഞ്ഞു.

സംഭവത്തെതുടര്‍ന്നു പൊലീസ് കൊലപാതക ശ്രമത്തിനു കേസെടുത്തിട്ടുണ്ടെങ്കിലും ഇതേവരെ ആരെയും അറസ്റ്റ് ചെയ്തിട്ടില്ല.

English summary

Mob of a Tamilnadu village set fire to a thatched house in which two HIV positive people, along with four children, were sleeping. K Radhakrishnan (41), his wife R Kanchana (36), their two daughters and two nieces escaped, some of them with minor injuries