മുരളീധരനെ കോണ്‍ഗ്രസിന് ആവശ്യമാണ് : രവി

ചേര്‍ത്തല: കെ. മുരളീധരന്റെ സസ്‌പെന്‍ഷന്‍ പിന്‍വലിക്കാന്‍ കേന്ദ്രനേതൃത്വത്തോട് ആവശ്യപ്പെട്ടിട്ടുണ്ടെന്ന് കേന്ദ്രപ്രവാസി മന്ത്രി വയലാര്‍ രവി.

മുരളിയുടെ സേവനം കോണ്‍ഗ്രസിന് ആവശ്യമാണ്. അതിനാല്‍ മുരളിയെ ഉടന്‍ തിരിച്ചെടുക്കണം- രവി പറഞ്ഞു. കേന്ദ്രമന്ത്രിസഭാ പുനസംഘടനയുടെ പശ്ചാത്തലത്തില്‍ വയലാറിലെ വസതിയില്‍ മാധ്യമപ്രവര്‍ത്തകരോട് സംസാരിക്കുകയായിരുന്നു അദ്ദേഹം.

കേന്ദ്രമന്ത്രിസഭയില്‍ കെ.സി വേണുഗോപാലിനെ ഉള്‍പ്പെടുത്തിയത് കേരളത്തിന് കൂടുതല്‍ നേട്ടമുണ്ടാക്കും. എം.എല്‍.എയായ ഘട്ടംമുതല്‍ വേണുഗോപാല്‍ ശ്രദ്ധേയമായ പ്രവര്‍ത്തനം കാഴ്ചവച്ചിട്ടുണ്ട്-അദ്ദേഹം അഭിപ്രായപ്പെട്ടു.