ഗവര്ണര്ക്ക് ചിദംബരത്തിന്റെ പിന്തുണ
ജനാധിപത്യ വ്യവസ്ഥിതിയ്ക്ക് ചേരാത്ത പ്രവൃത്തിയാണ് ബിജെപി പ്രോസിക്യൂഷന് കാര്യത്തില് സ്വീകരിച്ചിരിക്കുന്നത്. ഇത് ഒരിക്കലും അംഗീകരിക്കാനാവില്ല. ബിജെപിയ്ക്ക് ഈ വിഷയത്തില് എന്തെങ്കിലും തരത്തിലുള്ള പരാതിയുണ്ടെങ്കില് നിമയപരമായി നേരിടുകയാണ് വേണ്ടതെന്ന് എഴുതി തയാറാക്കിയ പ്രസ്താവനയിലൂടെ ചിദംബരം വ്യക്തമാക്കി.
കര്ണാടകത്തിലെ പ്രശ്നങ്ങളെല്ലാം കേന്ദ്രസര്ക്കാരിന്റെ പരിഗണനയിലുണ്ട്. ആദ്യമായല്ല ഒരു ഗവര്ണര് മുഖ്യമന്ത്രിയെ പ്രോസിക്യൂട്ട് ചെയ്യാന് അനുമതി നല്കുന്നത്. മധ്യപ്രദേശിലെ ഒരു കേസില് ഗവര്ണര്ക്ക് ഈ അധികാരമുണ്ടെന്നു സുപ്രീം കോടതി വ്യക്തമാക്കിയിട്ടുണ്ട്.
മുഖ്യമന്ത്രിയെ പ്രോസിക്യൂട്ട് ചെയ്യാനുള്ള തീരുമാനം എടുത്തയുടനെ ഗവര്ണറോടു കേന്ദ്ര ആഭ്യന്തര മന്ത്രാലയം റിപ്പോര്ട്ട് ആവശ്യപ്പെട്ടിരുന്നു. തിങ്കളാഴ്ച രാവിലെ ഗവര്ണര് റിപ്പോര്ട്ട് സമര്പ്പിച്ചു. റിപ്പോര്ട്ടിലെ വിശദാംശങ്ങള് പുറത്തുവിട്ടിട്ടില്ല.