• search
  • Live TV
കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts

ഗവര്‍ണറെ നീക്കാന്‍ ബിജെപി രാഷ്ട്രപതിയെ കാണും

  • By Ajith Babu
ദില്ലി: കര്‍ണാടക ഗവര്‍ണര്‍ എച്ച്ആര്‍ ഭരദ്വാജിനെ നീക്കണമെന്ന് ആവശ്യപ്പെട്ട് ബിജെപി നേതാക്കള്‍ തിങ്കളാഴ്ച രാഷ്ട്രപതി പ്രതിഭ പാട്ടീലിനു നിവേദനം നല്‍കും. കര്‍ണാടകത്തില്‍ നിന്നുള്ള എംപിമാരും കേന്ദ്രനേതാക്കളുമാണ് രാഷ്ട്രപതിയെ കാണുന്നത്.

ഭൂമി കുംഭകോണത്തില്‍ കര്‍ണാടക മുഖ്യമന്ത്രി യെദ്യൂരപ്പയെ പ്രോസിക്യൂട്ടുചെയ്യാന്‍ ഗവര്‍ണര്‍ അനുമതി നല്‍കിയ സാഹചര്യത്തിലാണ് ഈ നീക്കം. ഇതിനിടെ, യെഡിയൂരപ്പ കേന്ദ്രനേതാക്കളുടെ പിന്തുണ തേടി ഞായറാഴ്ച വൈകിട്ട് ദില്ലിയില്‍ എത്തി.

ഭൂമി ഇടപാടില്‍ കര്‍ണാടക മുഖ്യമന്ത്രിയുടെ നടപടി അധാര്‍മികമാണെന്ന ബിജെപി അധ്യക്ഷന്‍ നിതിന്‍ ഗഡ്കരിയുടെ പ്രസ്താവനയുടെ പശ്ചാത്തലത്തിലാണ് തിരക്കിട്ട ദില്ലി യാത്ര.

എല്‍കെ അദ്വാനി ഉള്‍പ്പെടെയുള്ള ഉന്നത ബിജെപി നേതാക്കളുമായി യെഡിയൂരപ്പ ചര്‍ച്ച നടത്തും. ആഭ്യന്തരമന്ത്രി പി ചിദംബരത്തെയും കാണുമെന്ന് യെഡിയൂരപ്പ വാര്‍ത്താലേഖകരോടു പറഞ്ഞു.

ഗവര്‍ണറുടെ നടപടിയെ രൂക്ഷമായി വിമര്‍ശിച്ച യെഡിയൂരപ്പ ബിജെപി സര്‍ക്കാരിനെ പുറത്താക്കി കോഗ്രസിനെ അധികാരത്തില്‍ കൊണ്ടുവരികയാണ് ഗവര്‍ണറുടെ ലക്ഷ്യമെന്ന് ആരോപിച്ചു.

അതിനിടെ, തന്നെ പ്രോസിക്യൂട്ട് ചെയ്യാന്‍ അനുമതി നല്‍കിയ ഗവര്‍ണറുടെ ഉത്തരവിനെതിരെ മുഖ്യമന്ത്രി യെഡിയൂരപ്പ തിങ്കളാഴ്ച കര്‍ണാടക ഹൈക്കോടതിയെ സമീപിക്കും.

ഉത്തരവു റദ്ദാക്കണമെന്നും താത്കാലിക സ്‌റ്റേ അനുവദിക്കണമെന്നും ഹര്‍ജിയില്‍ ആവശ്യപ്പെട്ടേക്കും. മുഖ്യമന്ത്രിയെ പ്രോസിക്യൂട്ട് ചെയ്യാന്‍ അനുമതി നല്‍കുന്നതിനു മുമ്പ് ഗവര്‍ണര്‍ ചട്ടങ്ങള്‍ പാലിച്ചില്ലെന്നും നേരാംവണ്ണം അന്വേഷണം നടത്തി ആരോപണങ്ങളില്‍ കഴമ്പുണ്ടോ എന്ന് പരിശോധിച്ചില്ലെന്നും ബിജെപി വാദിച്ചേക്കും.

English summary
Senior BJP leader LK Advani will be leading a delegation to meet President Pratibha Patil seeking Governor HR Bhardwaj's recall.

Oneindia യില് നിന്നും തല്സമയ വാര്ത്തകള്ക്ക്
ഉടനടി വാര്ത്തകള് ദിവസം മുഴുവന് ലഭിക്കാന്

Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more