ഐസ്‌ക്രീം കേസില്‍ സത്യം പുറത്തു വരും: മുഖ്യമന്ത്രി

തിരുവനന്തപുരം: ഐസ്‌ക്രീം പാര്‍ലര്‍ കേസില്‍ ആരു മറച്ചു വെച്ചാലും സത്യം ഒരു നാള്‍ പുറത്തു വരുമെന്ന മുഖ്യമന്ത്രി വിഎസ് അച്യുതാനന്ദന്‍ വാര്‍ത്താസമ്മേളനത്തില്‍ പറഞ്ഞു. എന്തോ കാരണത്താല്‍ കേസില്‍ ഉള്‍പ്പെട്ടവശരല്ലാം പതുക്കെ പതുക്കെ അകന്നുപോകുമ്പോള്‍ സത്യങ്ങള്‍ പുറത്തു വരാതിരിക്കില്ല.

മന്ത്രിയായിരുന്നപ്പോള്‍ റൗഫിനു വേണ്ടി വഴിവിട്ട് ചില കാര്യങ്ങള്‍ ചെയ്തു കൊടുത്തതായി പറഞ്ഞതിനെക്കുറിച്ച് മോചനയാത്ര നയിക്കുന്നവര്‍ ഉത്തരം പറയണമെന്നും അദ്ദേഹം പറഞ്ഞു.

ഐസ്‌ക്രീം കേസിന്റെ ഉപജ്ഞാതാവ് തന്നെ വിവരം പുറത്തുവിട്ടത് നന്നായി. ഒരുപാട് പെകുട്ടികളെ പല ആവശ്യത്തിനായി ഉപയോഗിച്ചതായി തെളിഞ്ഞിരിക്കുന്നു. കേസ് ഇനി എങ്ങനെ മുന്നോട്ടുപോകണമെന്ന് ആലോചിച്ചു തീരുമാനിക്കുമെന്നും അദ്ദേഹം പറഞ്ഞു