കേരളമോചനയാത്രയില് ഗൗരിയമ്മ പങ്കെടുക്കും
അരൂര് മണ്ഡലത്തിലെ എരമല്ലൂരില് നാലുമണിക്കും ആലപ്പുഴയില് 6.30നും നടക്കുന്ന യോഗങ്ങളില് ഗൗരിയമ്മ പ്രസംഗിക്കും. കെപിസിസി പ്രസിഡന്റ് രമേശ് ചെന്നിത്തലമായി നടത്തിയ ചര്ച്ചകളാണ് ഗൗരിയമ്മയുടെ പങ്കാളിത്തം ഉറപ്പുവരുത്തിയത്.
ആലപ്പുഴ ജില്ലയില് പ്രവേശിക്കുന്ന മോചനയാത്രയെ മൂന്നിനു തണ്ണീര്മുക്കത്ത് ഡിസിസി നേതാക്കള് സ്വീകരിക്കും. യുഡിഎഫ് ഘടകകക്ഷി നേതാക്കള് വിവിധ കേന്ദ്രങ്ങളില് യാത്രയില് പങ്കെടുക്കും
നേരത്തേ കോണ്ഗ്രസ് നേരിട്ട് ആവശ്യപ്പെട്ടെങ്കില് മാത്രമേ കേരളമോചനയാത്രയില് പങ്കെടുക്കുകയുള്ളുവെന്ന് ഗൗരിയമ്മ നിലപാട് എടുത്തിരുന്നു. മുന്നണിയിലെ പ്രശ്നപരിഹാരങ്ങള്ക്കായി കോണ്ഗ്രസ് മുന്കയ്യെടുക്കണമെന്നും അവര് ആവശ്യപ്പെട്ടിരുന്നു.
ഇപ്പോള് കേരള മോചനയാത്രയില് പങ്കെടുക്കാനുള്ള ഗൗരിയമ്മയുടെ തീരുമാനം യുഡിഎഫില്ത്തന്നെ ഉറച്ചുനില്ക്കുമെന്നതിനുള്ള വ്യക്തമായ സൂചനയായിട്ടാണ് കണക്കാക്കുന്നത്.
നേരത്തേ കോണ്ഗ്രസുമായുള്ള ഭിന്നത മുറുകിയപ്പോള് ഒരു ഘട്ടത്തില് മുന്നണിവിട്ട് ഗൗരിയമ്മ സിപിഎമ്മില് ചേരുമെന്ന അഭ്യൂഹം ശക്തമായിരുന്നു. എന്നാല് ജെഎസ്എസില് ഒരു വിഭാഗത്തിന് ഇക്കാര്യത്തില് കടുത്ത ഭിന്നതയുണ്ടായിരുന്നു.