ലെനിന്‍ മാനഭംഗപ്പെടുത്താന്‍ ശ്രമിച്ചു: രഞ്ജിത

ബാംഗ്ലൂര്‍: സ്വാമി നിത്യാനന്ദയുടെ മുന്‍ ഡ്രൈവറും അനുയായിയുമായിരുന്ന ലെനിന്‍ കറുപ്പന്‍ തന്നെ മാനഭംഗപ്പെടുത്താന്‍ ശ്രമിച്ചിരുന്നുവെന്ന് നടി രഞ്ജിത.

സ്വാമി നിത്യാനന്ദ കേസില്‍ ശനിയാഴ്ച രാമനഗരം മജിസ്‌ട്രേട്ട് കോടതിയില്‍ ഹാജരായപ്പോഴാണ് രഞ്ജിത ലെനിന്‍ കറുപ്പനെതിരെ പരാതി ഉന്നയിച്ചത്.

കഴിഞ്ഞ ഡിസംബര്‍ 30ന് ബിഡദി പോലീസ് സ്‌റ്റേഷനില്‍ ലെനിന്‍ കറുപ്പനെതിരെ പരാതി നല്‍കിയതിനുശേഷം ആദ്യമായാണ് രഞ്ജിത കോടതിയില്‍ ഹാജരാകുന്നത്.

ലെനിന്‍ കറുപ്പന്‍, തനിക്ക് വഴങ്ങണമെന്നാവശ്യപ്പെട്ട് സമീപിച്ചപ്പോള്‍ നിത്യാനന്ദയ്ക്ക് പരാതി നല്‍കുമെന്ന് പറഞ്ഞിരുന്നു. ഇതിന് പ്രതികാരമായാണ് വ്യാജ വീഡിയോ ദൃശ്യങ്ങള്‍ പുറത്തുവിട്ടതെന്നും രഞ്ജിത കോടതിയെ ബോധിപ്പിച്ചു.

രണ്ട് സ്ത്രീകളെ ലെനിന്‍ കറുപ്പന്‍ മാനഭംഗപ്പെടുത്തുന്ന ദൃശ്യത്തില്‍ കൃതിമം നടത്തി തന്റെ ചിത്രം ഉള്‍പ്പെടുത്തുകയായിരുന്നുവെന്നും രഞ്ജിത പരാതിയില്‍ പറയുന്നു. വിവാദത്തെത്തുടര്‍ന്ന് ധ്യാനപീഠം ആശ്രമത്തില്‍ നില്‍ക്കാന്‍ കഴിയാതെ വന്നപ്പോള്‍ ചെന്നൈയിലേക്ക് പോവുകയായിരുന്നു. തുടര്‍ന്ന് ചില തമിഴ് ചിത്രങ്ങളില്‍ അഭിനയിച്ചു.

മോര്‍ഫിങ്ങിലൂടെ തന്റെ ചിത്രം വീഡിയോയില്‍ പ്രദര്‍ശിപ്പിക്കുക വഴി ക്രിമിനല്‍ ഗൂഢാലോചനയാണ് ലെനിന്‍ കറുപ്പന്‍ നടത്തിയതെന്നും പരാതിയില്‍ ചൂണ്ടിക്കാട്ടുന്നു. തന്നെയും നിത്യാനന്ദയെയും ഉള്‍പ്പെടുത്തിയ ഫോട്ടോകള്‍ കാണിച്ച് ലെനിന്‍ 20 കോടി രൂപ ആവശ്യപ്പെട്ടതായും രഞ്ജിത ആരോപിച്ചിട്ടുണ്ട്.

രഞ്ജിതയുടെ കൂടുതല്‍ മൊഴി രേഖപ്പെടുത്തുന്നതിനായി ഫസ്റ്റ്ക്ലാസ്സ് മജിസ്‌ട്രേട്ട് രൂപ കേസ് ഫിബ്രവരി 19 ലേക്ക് മാറ്റി.

English summary

Actress Ranjitha todayappeared before a court hearing her complaint against a formerdisciple of self-styled godman Nityananda over a sleaze videopurportedly showing her with the controversial ascetic,