റജീനയുടെ മൊഴിമാറ്റം: റൗഫിനെ ചോദ്യം ചെയ്തു

കോഴിക്കോട്: ഐസ്‌ക്രീം പാര്‍ലര്‍ കേസുമായി ബന്ധപ്പെട്ട് കുഞ്ഞാലിക്കുട്ടിക്കെതിരെ ആരോപണങ്ങള്‍ ഉന്നയിച്ച ഭാര്യാസഹോദരന്‍ റൗഫിനെ പോലീസ് ചോദ്യം ചെയ്തു. കോഴിക്കോട് സിറ്റി പോലീസ് കമ്മീഷണര്‍ പി. വിജയന്റെ നേതൃത്വത്തിലുള്ള എട്ടംഘ സംഘമാണ് ചോദ്യം ചെയ്തത്.. കോഴിക്കോട് പോലീസ് ക്ലബ്ബില്‍ രാവിലെ 11ന് ആരംഭിച്ച ചോദ്യം ചെയ്യല്‍ മൂന്നു വരെ നീണ്ടു.

ഇരകളുടെ മൊഴിമാറ്റാനുളള നീക്കങ്ങള്‍, നിയമോപദേശം നല്‍കിയ വ്യക്തികള്‍, വെളിപ്പെടുത്തലിനുളള കാരണങ്ങള്‍ എന്നിവ സംബന്ധിച്ച വിശദീകരണം പോലീസ് തേടിയതായി അറിയുന്നു. റൗഫ് നിര്‍ണായക വിവരങ്ങള്‍ പൊലീസിന് ലഭിച്ചതായാണ് സൂചന. കുഞ്ഞാലിക്കുട്ടിയുടെ നിര്‍ദ്ദേശ പ്രകാരമാണ് താന്‍ ഇരകളുടെ മൊഴി മാറ്റാന്‍ ശ്രമിച്ചതെന്ന് അദ്ദേഹം അറിയിച്ചു.

കുഞ്ഞാലിക്കുട്ടി പണം നല്‍കി കേസിലെ സാക്ഷികളുടെ മൊഴിമാറ്റിയതായി കഴിഞ്ഞ ദിവസം മാധ്യമങ്ങളിലൂടെ റൗഫ് വെളിപ്പെടുത്തിയിരുന്നു. ഇതേ തുടര്‍ന്ന് കോഴിക്കോട് ടൗണ്‍ പോലീസ് റൗഫിനും കുഞ്ഞാലിക്കുട്ടിക്കും എതിരേ കേസ് രജിസ്റ്റര്‍ ചെയ്തിരുന്നു.