മഡോണയും കുട്ടിയും വിറ്റുപോയത് 1.5 കോടി ഡോളറിന്

ന്യൂയോര്‍ക്ക്: ടിറ്റിയന്റെ 450 വര്‍ഷം പഴക്കമുള്ള 'മഡോണയും കുട്ടിയും' എന്ന ചിത്രം റെക്കോഡ് വിലയ്ക്ക് ലേലത്തില്‍പ്പോയി. പ്രമുഖ ലേലസ്ഥാപനമായ സോത്ബി നടത്തിയ ലേലത്തില്‍ 1.69 കോടി ഡോളറിനാണ് ചിത്രം വിറ്റുപോയത്.

നവോത്ഥാനകാലത്തെ ചിത്രകാരനെന്നറിയപ്പെടുന്ന ടിറ്റിയന്റെ 'മഡോണയും കുട്ടിയും' ബൈബിളിലെ വിശുദ്ധ ലൂക്കയോടും അലക്‌സാന്‍ഡ്രിയയിലെ കാതറിനോടുമൊപ്പമുള്ള ചിത്രം ലോകപ്രശസ്തമാണ്.

ടിറ്റിയന്റെ മുന്‍ ചിത്രങ്ങളെ അപേക്ഷിച്ച് ഉയര്‍ന്ന വിലയാണ് ഈ ചിത്രത്തിന് ലഭിച്ചത്. മുന്‍പ് 1991 ല്‍ അദ്ദേഹത്തിന്റെ 'വീനസ് അഡോണസ് ' ചിത്രം 11.9 ദശലക്ഷം ഡോളറിനാണ് വിറ്റുപോയത്.

1560കളില്‍ വരച്ചുവെന്ന് കരുതുന്ന ഈ എണ്ണഛായാ ചിത്രം ഇത്രയും കാലത്തിനിടയില്‍ വെറും ആറ് പേര്‍ മാത്രമാണ് കൈവശം വെച്ചിട്ടുള്ളത്.

English summary

The circa 1560 oil on canvas, one of only a handful of multi-figured compositions by Titian remaining in private hands, went to a European collector bidding on the telephone.