ആത്മവിശ്വാസം പോര, വിപണി താഴോട്ട്
മുംബൈ: ഫെബ്രുവരി ഒന്ന് ചൊവ്വാഴ്ച ഓഹരി വിപണി താഴോട്ടായിരുന്നു. രാവിലെ തന്നെ 100 പോയന്റിലേറെ താഴോട്ട് പോയ വിപണി ക്ലോസ് ചെയ്തപ്പോള് സെന്സെക്സ് 300 -ാളം പോയന്റ് താഴെയായിരുന്നു.
സെന്സെക്സ്
18022.22
(-305.54)
നിഫ്ടി
5417.20
(-88.70)
വിപണി പലതവണ 18,000 ന് താഴെ എത്തിയിരുന്നു. വിപണി അവസാനിയ്ക്കുന്നതിന് തൊട്ട് മുമ്പും സെന്സെക്സ് 18000 ന് താഴെയായിരുന്നു. അവസാനിച്ചപ്പോള് കഷ്ടിച്ച് മുകളിലേത്താനേ കഴിഞ്ഞുള്ളു.
രാവിലത്തെ വിപണിയിലും സെന്സെക്സ് 18,000 പോയന്റിലെത്തി. എന്നാല് നിഫ്ടി 5400 ന് മുകളില് കഷ്ടിച്ച് പിടിച്ച് നിന്നു. ഐടി, എഫ് എം സി ജി ഓഹരികള് ഒക്കെ താഴോട്ടായിരുന്നു. എഫ് എം സി ജി ഇന്ഡക്സ് 2.5 ശതമാനമായിരുന്നു താഴോട്ട് പോയത്. കഴിഞ്ഞ അഞ്ച് മാസത്തെ ഏറ്റവും താഴത്തെ നിലയില് വിപണി എത്തിയത് അത്ര ശുഭമായല്ല നിരീക്ഷകര് കാണുന്നത്.
രാവിലെ ടാറ്റ മോട്ടോഴ്സ് ഓഹരി 3.53 ശതമാനം താഴോട്ട് പോയി.