മുനീര്‍ രാജിക്കത്ത് നല്‍കി

മലപ്പുറം: മുസ്ലീം ലീഗ് സെക്രട്ടറിയും പുതിയ വിവാദത്തിലെ കേന്ദ്രബിന്ദുവുമായ എംകെ മുനീര്‍ പാര്‍ട്ടി സെക്രട്ടറി സ്ഥാനത്ത് നിന്നും രാജിക്കത്ത് നല്‍കി. പാര്‍ട്ടി സംസ്ഥാന അധ്യക്ഷന്‍ പാണക്കാട് ഹൈദരാലി ശിഹാബ് തങ്ങള്‍ക്കാണ് മുനീര്‍ രാജിക്കത്ത് കൈമാറിയിരിക്കുന്നത്. രാജി പാര്‍ട്ടി സ്വീകരിയ്ക്കില്ലെന്നാണ് വിലയിരുത്തലുകള്‍.

മുനീര്‍ ചെയര്‍മാനായ ഇന്ത്യാവിഷന്‍ ചാനലില്‍ കുഞ്ഞാലിക്കുട്ടിക്കെതിരെ വാര്‍ത്ത വന്നതാണ് മുനീറിന്റെ രാജിയില്‍ ചെന്നെത്തിച്ചിരിയ്ക്കുന്നത്.

ഞായറാഴ്ച ചേര്‍ന്ന യോഗത്തില്‍ മുനീറിനെതിരെ രൂക്ഷ വിമര്‍ശനം ഉയര്‍ന്നതായി റിപ്പോര്‍ട്ടുകളുണ്ടായിരുന്നു. ചാനല്‍ അല്ലെങ്കില്‍ പാര്‍ട്ടി ഇതില്‍ ഏത് വേണമെന്ന് മുനീര്‍ തീരുമാനിയ്ക്കണമെന്ന് നേതാക്കള്‍ ആവശ്യപ്പെട്ടതായും വാര്‍ത്തകളുണ്ടായിരുന്നു.