ഗൂഢാലോചനയില്‍ പങ്കില്ല: മാണി

കോട്ടയം: കുഞ്ഞാലിക്കുട്ടിക്കെതിരായ ഗൂഢാലോചനയില്‍ തന്റെ പാര്‍ട്ടിക്ക് പങ്കില്ലെന്ന് കെഎം മാണി പറഞ്ഞു. ഗൂഢാലോചനയെക്കുറിച്ച് അന്വേഷിക്കാന്‍ സര്‍ക്കാര്‍ തയാറാകണമെന്ന് മാണി ആവശ്യപ്പെട്ടു.

സത്യം പുറത്തുകൊണ്ടുവരണമെന്നും അദ്ദേഹം പറഞ്ഞു. മലപ്പുറത്ത് മോചനയാത്രയില്‍ പങ്കെടുക്കാനെത്തിയ മാണി പാണക്കാട്ടെത്തി ഹൈദരാലി ശിഹാബ് തങ്ങളുമായി ചര്‍ച്ച നടത്തി.

യുഡിഎഫിലെ ഒരു കക്ഷിയും തനിക്കെതിരായ ഗൂഢാലോചനയില്‍ പങ്കുചേര്‍ന്നതായി കുഞ്ഞാലിക്കുട്ടി വെള്ളിയാഴ്ച ഒരു ചാനല്‍ അഭിമുഖത്തില്‍ പരാമര്‍ശിച്ചിരുന്നു. ഈ സാഹചര്യത്തിലാണ് മാണിയുടെ പ്രതികരണം. യുഡിഎഫിലെ രണ്ടാം സ്ഥാനക്കാര്‍ തങ്ങളാണെന്ന് മുസ്ലീം ലീഗ് അവകാശപ്പെടുന്നതില്‍ എതിര്‍പ്പില്ലെന്നും മാണി പറഞ്ഞു.