കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

പ്രജാരാജ്യം കോണ്‍ഗ്രസില്‍ ലയിച്ചു

  • By Ajith Babu
Google Oneindia Malayalam News

ദില്ലി: ആഴ്ചകള്‍ നീണ്ട ചര്‍ച്ചകള്‍ക്കൊടുവില്‍ നടന്‍ ചിരഞ്ജീവിയുടെ രാഷ്ട്രീയപാര്‍ട്ടിയായ പ്രജാരാജ്യം കോണ്‍ഗ്രസില്‍ ലയിച്ചു. കോണ്‍ഗ്രസ് അധ്യക്ഷ സോണിയ ഗാന്ധിയുമായുള്ള കൂടിക്കാഴ്ചയ്ക്കു ശേഷമാണ് ലയനക്കാര്യം ചിരഞ്ജീവി മാധ്യമങ്ങളെ അറിയിച്ചത്.

സോണിയയുടെ ദില്ലിയിലെ വസതിയിലെത്തിയ ചിരഞ്ജീവി 50 മിനിറ്റ് നീണ്ട സംഭാഷണം നടത്തി. ഉപാധികളില്ലാതെയാണു ലയനം. സംസ്ഥാനത്തിന്റെ താത്പര്യങ്ങള്‍ മുന്‍നിര്‍ത്തിയാണ് കോണ്‍ഗ്രസില്‍ ലയിക്കുന്നതെന്നും ഇരു പാര്‍ട്ടികള്‍ക്കും ഇത് ചരിത്ര നിമിഷമാണെന്നും അദ്ദേഹം പറഞ്ഞു.

തെലുങ്കാന വിവാദവും ജഗന്‍ മോഹന്‍ റെഡ്ഡി ഉയര്‍ത്തുന്ന വെല്ലുവിളികളും മറികടക്കനാണ് കോണ്‍ഗ്രസ് ചിരഞ്ജീവിയെ കൂടെകൂട്ടിയിരിക്കുന്നത്.

294 അംഗങ്ങളുള്ള ആന്ധ്ര അസംബ്ലിയില്‍ പ്രജാരാജ്യത്തിന് 18 പ്രതിനിധികളുണ്ട്. ഇതില്‍ ഒരംഗം ജഗന്‍ ക്യാംപിനോടു കൂറു പുലര്‍ത്തുന്നു. മറ്റൊരു എംഎല്‍എ തെലുങ്കാന അനുകൂലിയാണ്.

30 മാസം മുന്‍പ് 2008ലാണ് പ്രജാരാജ്യം പാര്‍ട്ടി നിലവില്‍ വന്നത്. തീരദേശത്തും റായല സീമയിലും പാര്‍ട്ടിക്ക് നിര്‍ണായക വോട്ട് ബാങ്കുകളുണ്ട്. പിന്നാക്ക വിഭാഗമായ കപു സമുദായത്തിന്റെ പിന്തുണയാണ് തീര മേഖലയില്‍ പിആര്‍പിയുടെ ശക്തി.

വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X