കൊച്ചി മെട്രോയ്ക്ക് 156 കോടി

തിരുവനന്തപുരം: കൊച്ചി മെട്രോയുടെ അനുബന്ധ പ്രവര്‍ത്തനങ്ങള്‍ക്കായി 186 കോടി ബജറ്റില്‍ വകയിരുത്തിയതായി ധനമന്ത്രി തോമസ് ഐസക് അറിയിച്ചു. പദ്ധതി കേന്ദ്ര സംസ്ഥാന സര്‍ക്കാരുകള്‍ സംയോജിതമായി നടപ്പാക്കാനാണ് തീരുമാനിച്ചിരിയ്ക്കുന്നത്. പദ്ധതിയ്ക്ക് ഉടന്‍ അനുമതി ലഭിയ്ക്കുമെന്ന പ്രതീക്ഷയില്‍ അനുബന്ധ പാലങ്ങളും മ്റ്റും നിര്‍മിയ്ക്കാന്‍ സര്‍ക്കാര്‍ നടപടി തുടങ്ങിയിട്ടുണ്ട്.

കൊച്ചിയിലെ കിന്‍ഫ്രാ പാര്‍ക്കില്‍ 400 കോടി മുതല്‍ മുടക്കി എക്‌സിബിഷന്‍ സെന്റര്‍ സ്ഥാപിക്കും. കിന്‍ഫ്രാ പാര്‍ക്കുകള്‍ക്ക് 67 കോടി രൂപയും വിഴിഞ്ഞ ടെര്‍മിനലിന് അഞ്ചു കോടി രൂപയും ബജറ്റില്‍ വകയിരുത്തി.

കേരള ബജറ്റ് 2011

കണ്ണൂര്‍ വിമാനത്താളത്തിന് 10 കോടി രൂപ വകയിരുത്തി. രണ്ടു വര്‍ഷത്തിനകം വിമാനത്താവളം യാഥാര്‍മാകമെന്നു ധനമന്ത്രി പറഞ്ഞു. കോഴിക്കോട് വിമാനത്താവള വികസനത്തിനു ഭൂമി ഏറ്റെടുക്കാന്‍ ആദ്യഘട്ടത്തില്‍ 25 കോടി വകയിരുത്തിയിട്ടുണ്ട്.

പൊതുമേഖലാ സ്ഥാപനങ്ങള്‍ക്ക് 65 കോടി രൂപ വകയിരുത്തി. ടൂറിസത്തിന് 105 കോടി രൂപ ബജറ്റില്‍ വകയിരുത്തി. സീതാറാം മില്ലിനെ ആധുനികവത്കരിക്കാന്‍ 20 കോടി രൂപ. ഐടി പാര്‍ക്കുകള്‍ക്ക് കൂടുതല്‍ ഭൂമിക്കായി 102 കോടി രൂപ വകയിരുത്തി.