ഐസക് ജനത്തെ കബളിപ്പിച്ചു: ഉമ്മന്‍ചാണ്ടി

തിരുവനന്തപുരം: ജനങ്ങളെ കബളിപ്പിക്കാനുള്ള നീക്കമാണ് സംസ്ഥാന ബജറ്റിലൂടെ ധനമന്ത്രി നടത്തിയിരിക്കുന്നതെന്ന് പ്രതിപക്ഷ നേതാവ് ഉമ്മന്‍ ചാണ്ടി ആരോപിച്ചു.ബജറ്റിന്റെ വിശ്വസനീയത ഐസക് ഇല്ലാതാക്കിയെന്നും അദ്ദേഹം പറഞ്ഞു.

നിയമസഭയില്‍ എല്ലാവരേയും മടുപ്പിക്കുന്ന നീണ്ട പ്രസംഗം നടത്തി സ്വയം അപഹാസ്യനാകുകയായിരുന്നു ധനമന്ത്രി. അഞ്ച് വര്‍ഷം ലഭിച്ച അവസരം പ്രയോജനപ്പെടുത്താതെ പുതിയ വാഗ്ദാനങ്ങള്‍ മാത്രം നല്‍കുകയാണ് ഈ സര്‍ക്കാര്‍ ചെയ്തത്- ഉമ്മന്‍ ചാണ്ടി ആരോപിച്ചു.

നിയമസഭയില്‍ ധനമന്ത്രി തോമസ് ഐസക് ബജറ്റ് അവതരിപ്പിച്ച പശ്ചാത്തലത്തില്‍ ബജറ്റിനെക്കുറിച്ച് വാര്‍ത്താസമ്മേളനത്തില്‍ പ്രതികരിക്കുകയായിരുന്നു ഉമ്മന്‍ചാണ്ടി.

English summary

Opposition leader Oommen Chandy flays Finance Minister Thomas Isaac over the Budget 2011.