സൗമ്യയുടെ കൊലയാളിക്ക് വധശിക്ഷ നല്‍കണം സുഷമ

ദില്ലി: കേരളത്തില്‍ തീവണ്ടി യാത്രയ്ക്കിടെ പീഡനത്തിനിരയായി സൗമ്യയെന്ന പെണ്‍കുട്ടി മരിച്ച കേസിലെ പ്രതിയെ വധശിക്ഷയ്ക്ക് വിധിക്കണമെന്ന് ലോക്‌സഭാ പ്രതിപക്ഷ നേതാവ് സുഷമ സ്വരാജ്.

മാനഭംഗപ്പെടുത്തിയും തട്ടിക്കൊണ്ടു പോയും കൊലപ്പെടുത്തുന്ന കേസുകളിലെല്ലാം പ്രതികള്‍ക്കു വധശിക്ഷ നല്‍കാന്‍ നിയമഭേദഗതി നടത്തണം. കേരളത്തിലുണ്ടായ സംഭവം ഞെട്ടിക്കുന്നതാണ്. ട്വിറ്ററിലൂടെയാണ് സുഷമ തന്റെ നിലപാട് വ്യക്തമാക്കിയത്.

അപൂര്‍വങ്ങളില്‍ അപൂര്‍വമായ കേസുകളിലാണു വധശിക്ഷ വിധിക്കേണ്ടതെന്നാണ് സുപ്രീം കോടതിയുടെ നിലപാട്. മാനഭംഗപ്പെടുത്തിയും തട്ടിക്കൊണ്ടു പോയുള്ള കൊലപാതകങ്ങളും അപൂര്‍വങ്ങളില്‍ അപൂര്‍വമായ കേസായി പ്രഖ്യാപിക്കണമെന്നും സുഷമ ആവശ്യപ്പെട്ടു.

English summary

In her Twitter account, Sushma Swaraj urged the system to give death sentence to all culprits who dare to commit such offenses.