മുസ്ലീം വിദ്യാര്ഥികള് കൈവെട്ടാന് പഠിക്കുന്നു
ലണ്ടന്: ബ്രിട്ടണില് അയ്യായിരത്തോളം വരുന്ന മുസ്ലീം വിദ്യാര്ത്ഥികള് ഇസ്ലാമിക നിയമ ലംഘനം നടത്തുന്നവരുടെ കൈ വെട്ടാന് പഠിക്കുകയാണെന്ന് റിപ്പോര്ട്ട്. ബ്രിട്ടനിലെ ദി ടെലഗ്രാഫ് പത്രമാണ് ഈ റിപ്പോര്ട്ട് പുറത്തുവിട്ടിരിക്കുന്നത്.
ജൂതന്മാര് ലോകത്ത് ആധിപത്യം സ്ഥാപിക്കാന് ശ്രമിക്കുകയാണെന്നും ഇതിനെതിരെ സമരം നടത്തണമെന്നും ഇസ്ലാമിക സ്കൂളുകളില് പഠിപ്പിക്കുന്നുണ്ടെന്ന് റിപ്പോര്ട്ടില് പറയുന്നു.
പതിനഞ്ച് വയസ്സുള്ള വിദ്യാര്ഥികള്ക്ക് പഠിക്കാനുള്ള പുസ്തകത്തില് ശരീയത് നിയമ ലംഘിച്ച് മോഷണവും അസന്മാര്ഗിക പ്രവര്ത്തനങ്ങളും മറ്റും നടത്തുന്നവരുടെ കൈ വെട്ടുന്ന രീതിയെ കുറിച്ച് വിശദീകരിക്കുന്നുണ്ട്. ഒരുതവണ കുറ്റം ചെയ്യുന്നവരുടെ കൈ വെട്ടണം എന്നും വീണ്ടും അതേ കുറ്റം ആവര്ത്തിക്കുകയാണെങ്കില് കാല് വെട്ടണമെന്നും പുസ്തകത്തില് പറയുന്നു.
അവയവത്തിന്റെ ഏതുഭാഗമാണ് മുറിക്കേണ്ടതെന്ന് വിശദമാക്കുന്ന ചിത്രങ്ങളും പാഠപുസ്തകത്തില് നല്കിയിട്ടുണ്ടത്രേ.
ഞായറാഴ്ച തോറും നടക്കുന്ന ഇസ്ലാമിക പഠനത്തിന് അയ്യായിരത്തോളം വിദ്യാര്ത്ഥികളാണ് പങ്കെടുക്കുന്നത്. ജൂതന്മാര് ആള്ക്കുരങ്ങുകളായും പന്നികളായും രൂപമാറ്റം നടത്തുമെന്നും പാഠ പുസ്തകങ്ങളില് പറയുന്നു.
ആറ് വയസ്സുള്ള വിദ്യാര്ത്ഥികള്ക്കായുള്ള പാഠപുസ്തകത്തില് ഇസ്ലാമിനെ നിഷേധിക്കുന്നവര് മരണശേഷം നരകത്തിലെ അഗ്നിയില് വെന്തുരുകുമെന്ന മുന്നറിയിപ്പ് നല്കുന്നുണ്ട്.
സൗദി അറേബ്യയിലെ നാല്പ്പതോളം സ്കൂളുകളില് ഇത്തരത്തിലുള്ള പാഠ്യ പദ്ധതിയുണ്ടെന്ന് റിപ്പോര്ട്ടില് അവകാശപ്പെടുന്നു.
Click it and Unblock the Notifications
Sign in with Google