ലൈംഗികവിവാദം: ബക്കാമിന് 8ലക്ഷം ഡോളര്‍

ലണ്ടന്‍: പ്രശസ്ത ഫുട്‌ബോള്‍ താരം ഡേവിഡിന് അപകീര്‍ത്തിക്കേസില്‍ എട്ടുലക്ഷം ഡോളര്‍ നഷ്ടപരിഹാരം ലഭിയ്ക്കും.

ബെക്കാമുമായി ലൈംഗികബന്ധം പുലര്‍ത്തിയെന്ന് അവകാശപ്പെട്ട സ്ത്രീയുടെ വെളിപ്പെടുത്തല്‍ പ്രസിദ്ധീകരിച്ച വാരികയാണ് ബെക്കാമിന് എട്ടുലക്ഷം ഡോളര്‍ (മൂന്നരക്കോടിയിലേറെ രൂപ) നഷ്ടപരിഹാരം നല്‍കിയത്.

അമേരിക്കയിലും ജര്‍മനിയിലും പ്രസിദ്ധീകരിക്കുന്ന 'ഇന്‍ ടച്ച് വാരികയാണ് ഈ വെളിപ്പെടുത്തല്‍ ഇതു പുറത്തുവിട്ടത്. വാരികയ്‌ക്കെതിരെ ഇരു രാജ്യങ്ങളിലും ബെക്കാം മാനനഷ്ടക്കേസ് നല്‍കി.

ബെക്കാം ന്യൂയോര്‍ക്കിലെ ഹോട്ടലില്‍ തനിക്കൊപ്പം കിടക്കപങ്കിടുകയും അതിനു പണം നല്‍കുകയും ചെയ്തിട്ടുണ്ടെന്നായിരുന്നു ഇര്‍മ നിക്കിയുടെ അവകാശവാദം.

ജര്‍മനിയിലെ കേസിലാണു നഷ്ടപരിഹാര വിധി. ഒരുദിവസം മുന്‍പു അമേരിക്കയിലെ കോടതി ബെക്കാമിന്റെ അപകീര്‍ത്തിക്കേസ് തള്ളിയിരുന്നു.

പ്രസാധകര്‍ ദുരുദ്ദേശ്യപരമായി പ്രവര്‍ത്തിച്ചുവെന്നു തെളിയിക്കാനായില്ലെന്നു പറഞ്ഞാണ് യുഎസ് കോടതിയുടെ വിധി.

English summary

Soccer star David Beckham is set to get nearly 500,000 pounds in damages over a magazine''s claims that he paid a prostitute for sex, it has emerged.The In Touch magazine was alleged that the football player paid 2,000 pounds-a-night prostitute Irma Nici for sex at a New York hotel.