കസബിനെ തൂക്കിക്കൊല്ലാന്‍ ആഗ്രഹമുണ്ടെന്ന് മമ്മു

മീററ്റ്: മുംബൈ ഭീകരാക്രമണക്കേസില്‍ വധശിക്ഷയ്ക്കു വിധിക്കപ്പെട്ട കസബിനെ തൂക്കുകയറൊരുക്കാന്‍ ആഗ്രഹമുണ്ടെന്ന് മമ്മു സിങ്. ഇതുവരെ പന്ത്രണ്ട് കുറ്റവാളികളെ തൂക്കിലേറ്റിയ തനിക്കു കസബിന്റെ ശിക്ഷ നടപ്പാക്കാന്‍ അനുമതി ലഭിച്ചാല്‍ അത് അഭിമാനത്തോടെ നിറവേറ്റുമെന്നും ഈ അറുപത്തിരണ്ടുകാരന്‍ പറയുന്നു.

കസബിനെ പൊതുജനമധ്യത്തില്‍ തൂക്കിക്കൊന്ന് ഭീകരര്‍ക്ക് ഒരു സന്ദേശം നല്‍കണമെന്നാണ് ഇദ്ദേഹം ആവശ്യപ്പെടുന്നത്.

മമ്മു സിങിന്റെ കുടുംബക്കാര്‍ പരമ്പരാഗതമായി ഈ തൊഴില്‍ നിര്‍വഹിയ്ക്കുന്നവരാണ്. ബ്രിട്ടീഷ് കാലഘട്ടത്തില്‍ ഭഗത് സിംഗിനെ തൂക്കിലേറ്റിയതു മമ്മുസിംഗിന്റ മുത്തച്ഛനായ റാം രഖായായിരുന്നു.
ഇന്ദിരാ ഗാന്ധിയുടെ ഘാതകരായ രംഗയെയും ബില്ലയെയും 1981ല്‍ തൂക്കിക്കൊന്നത് മമ്മുവിന്റെ പിതാവായ കല്ലു സിങായിരുന്നു.

English summary

Hangman Mammu Singh says that it is his wish to execute Pakistani gunman Mohammad Ajmal Kasab, who has been sentenced to death in the 26/11 case.