കേരളത്തിന് 12 പുതിയ തീവണ്ടികള്‍

ദില്ലി: മമതാ ബാനര്‍ജി അവതരിപ്പിച്ച റെയില്‍വെ ബജറ്റില്‍ കേരളത്തിന് 12 പുതിയ ട്രെയിനുകള്‍ അനുവദിച്ചു. ആകെ 83 തീവണ്ടികളാണ് ബജറ്റില്‍ പ്രഖ്യാപിച്ചത്. ഇതില്‍ 56 എക്‌സപ്രസ് തീവണ്ടികള്‍ ഒമ്പത് തുരന്തോ, 15 സബ് അര്‍ബന്‍ തീവണ്ടികള്‍, മൂന്ന് ശതാബ്ദി ട്രെയിനുകള്‍ എന്നിവ ഉള്‍പ്പെടെയാണിത്.

പുതുതായി അവതരിപ്പിച്ച സ്റ്റുഡന്റ് എക്‌സ്പ്രസിലും ഒരെണ്ണം കേരളത്തിന് ലഭിച്ചു. ചെന്നൈ-പോണ്ടിച്ചേരിതിരുവനന്തപുരം റൂട്ടിലായിരിക്കും ഈ പുതിയ തീവണ്ടി സര്‍വീസ് നടത്തുക. പുതുതായി അനുവദിച്ച മെമു സര്‍വീസുകളില്‍ രണ്ടെണ്ണവും കേരളത്തിന് കിട്ടി.

എറണാകുളംആലപ്പുഴകൊല്ലം റൂട്ടിലും, കൊല്ലംനാഗര്‍കോവില്‍ റൂട്ടിലുമായിരിക്കും ഈ വണ്ടികള്‍ സര്‍വീസ് നടത്തുക.

സ്വാമി വിവേകാനന്ദന്റെ സ്മരണയ്ക്കായി വിവേകാനന്ദ എക്‌സ്പ്രസ് എന്ന പേരിലും പുതിയ ട്രെയിന്‍ സര്‍വീസ് നടത്തും. ഇത് ആസാമിലെ ദിബ്രുഗറില്‍ നിന്ന് തുടങ്ങി തിരുവനന്തപുരം വഴി കന്യൂകുമാരിയിലേക്കാണ് ഓടുക.

കേരളത്തിന് ലഭിച്ച പുതിയ തീവണ്ടികള്‍ ഇവയാണ്.

ഭാവ്‌നഗര്‍-കൊച്ചുവേളി എക്‌സ്പ്രസ്(കൊങ്കണ്‍ വഴി

നിലമ്പൂര്‍-തിരുവനന്തപുരം എക്‌സ്പ്രസ്

ദിബ്രുഗര്‍-തിരുവന്തപുരംകന്യാകുമാരി എക്‌സ്പ്രസ്

ബിലാസ്പൂര്‍-എറണാകുളം സൂപ്പര്‍ ഫാസ്റ്റ്

ഹൗറ-മംഗലാപുരം എക്‌സ്പ്രസ്(പാലക്കാട് വഴി)

പോര്‍ബന്തര്‍-കൊച്ചുവേളി എക്‌സ്?പ്രസ്

എറണാകുളം-ബാംഗ്ലൂര്‍ ഇന്റര്‍സിറ്റി എക്‌സ്പ്രസ്

ചെന്നൈ-പോണ്ടിച്ചേരി-എറണാകുളം സ്റ്റുഡന്റ് എക്‌സ്പ്രസ്

മംഗലാപുരം-പാലക്കാട് ഇന്റര്‍സിറ്റി

എറണാകുളം-ആലപ്പുഴ-കൊല്ലം മെമ്മു സര്‍വീസ്

*കൊല്ലം-നാഗര്‍കോവില്‍ മെമ്മു സര്‍വീസ്

* ചെന്നൈ-തിരുവന്തപുരം തുരന്തോ

English summary

As expected Kerala, which goes to Assembly polls shortly got a good consideration in the railway budget presented by Mamata Banerjee in the Lok Sabha. 12 new trains has been allotted to Kerala.