Click it and Unblock the Notifications
Just In
Don't Miss
-
രാത്രി ആരോ തൊടുന്നത് പോലെ തോന്നി, ബിഗ് ബോസ് വീട്ടിലെ ഒരാളോട് പ്രണയം; തുറന്ന് പറഞ്ഞ് ജാന്മണി -
T20 World Cup 2024: ഹാര്ദിക് വേണ്ട! പകരം ദുബെ, സഞ്ജു ടീമില്; ഇതാ ഭാജിയുടെ 15 അംഗ സ്ക്വാഡ് -
മറന്ന WIFI പാസ്സ്വേഡ് ഇവിടെ തപ്പിയാൽ മതി! ഈ വിദ്യ ഒന്ന് പരീക്ഷിച്ച് നോക്കൂ -
ബജറ്റ് ഇവി പ്ലാനുകൾക്ക് തുടക്കം കുറിച്ച് ഹ്യുണ്ടായി; മെയ്ഡ് ഇൻ ഇന്ത്യ ക്രെറ്റ ഇവി ഉടൻ -
പഞ്ചസാര വില്ലനല്ല, അമിതവണ്ണമുണ്ടാകുന്നത് പഞ്ചസാര ഇങ്ങനെ ഉപയോഗിക്കുമ്പോഴാണ് -
കീശ ചോരില്ല, ഈ രണ്ട് ഓഹരികൾ വാങ്ങാമെന്ന് ബ്രോക്കറേജ്, നേട്ടം എത്രയാണെന്ന് നോക്കാം -
മഞ്ഞുപെയ്യും മുന്നേ കാശ്മീരിലേക്ക് ട്രെയിൻ യാത്ര, 12 ദിവസ പാക്കേജ്, ഇതാണ് പറ്റിയ സമയം
ഹേമമാലിനിയ്ക്ക് ബുദ്ധിയില്ല: ഗിരീഷ് കര്‍ണാട്
പ്രതിപക്ഷത്തിന്റെ പിന്തുണയോടെ മത്സരിക്കുന്ന കന്നഡ സാഹിത്യകാരന്‍ മരളു സിദ്ദപ്പയെയാണ് താന്‍ പിന്തുണയ്ക്കുന്നതെന്നും കര്‍ണാട് വ്യക്തമാക്കി.
മരളു സിദ്ധയ്ക്ക് പിന്തുണ പ്രഖ്യാപിച്ചുകൊണ്ട് സാംസ്‌കാരിക പ്രവര്‍ത്തകര്‍ നടത്തിയ വാര്‍ത്താസമ്മേളനത്തിലാണ് ഗിരീഷ് കര്‍ണാട് ഹേമമാലിനിക്കെതിരേ തുറന്നടിച്ചത്.
മുന്‍പ് നാമനിര്‍ദ്ദേശം ചെയ്ത് രാജ്യസഭയിലെത്തിച്ചപ്പോള്‍ കാലാവധി അവസാനിക്കുംവരെ ഹേമമാലിനി ഒരൊറ്റ ചോദ്യം പോലും സഭയില്‍ ചോദിച്ചിട്ടില്ലെന്ന് ഗിരീഷ് കര്‍ണാട് പറഞ്ഞു. അവര്‍ക്ക് കര്‍ണാടകത്തെക്കുറിച്ചറിയില്ല. ഇവിടത്തെ സാധാരണ ജനങ്ങള്‍ നേരിടുന്ന പ്രശ്‌നങ്ങളെക്കുറിച്ച് ബോധവുമില്ല.
അവര്‍ കാണാന്‍ സുന്ദരിയാണെന്ന കാര്യത്തില്‍ തര്‍ക്കമില്ല. എന്നാല്‍, ജനകീയപ്രശ്‌നങ്ങള്‍ പഠിക്കുവാനും അത് സഭയില്‍ ഉന്നയിച്ച് ഫലം നേടിയെടുക്കാനുമുള്ള ബുദ്ധിയും പാണ്ഡിത്യവും ഹേമമാലിനിക്കില്ല- ഗിരിഷ് കര്‍ണാട് പറഞ്ഞു.
അതേസമയം തികച്ചും കന്നഡ ജനതയുടെ പ്രതിനിധിയാണ് മരളു സിദ്ധപ്പ. അതിനാല്‍ രാഷ്ടീയ കക്ഷിഭേദം മറന്ന് അദ്ദേഹത്തെ പിന്തുണയ്ക്കണമെന്നും കര്‍ണാട് എല്ലാപാര്‍ട്ടികളിലെയും എംഎല്‍എ മാരോട് അഭ്യര്‍ഥിച്ചു.
ഹേമമാലിനിക്ക് രാജ്യസഭാ സീറ്റുനല്‍കിയതില്‍ ബിജെപിക്കുള്ളില്‍ത്തന്നെ അമര്‍ഷം പുകയുന്നതിനിടെയാണിപ്പോള്‍ കന്നഡ സാംസ്‌കാരിക നേതാക്കളും വിമര്‍ശനവുമായി എത്തിയിരിക്കുന്നത്. കന്നഡ രക്ഷണ വേദികെയുള്‍പ്പടെയുള്ള ഭാഷാ മൗലികവാദി സംഘടനകളും ഹേമമാലിനിക്കെതിരെ പ്രതിഷേധവുമായി രംഗത്തെത്തിയിരുന്നു.
മാര്‍ച്ച് മൂന്നിനാണ് രാജ്യസഭാ സീറ്റിലേക്കുള്ള തിരഞ്ഞെടുപ്പ്. 106 വോട്ട് ഉറപ്പായതിനാല്‍ ഹേമമാലിനിയുടെ വിജയവും ഉറപ്പാണ്. 71 വോട്ടുള്ള കോണ്‍ഗ്രസ്സും 27 പേരുള്ള ജനതാദളും സിദ്ധപ്പയെ പിന്തുണയ്ക്കുന്നുണ്ടെങ്കിലും ജയിക്കുവാനുള്ള 103 എന്ന മാന്ത്രികസംഖ്യ എത്തില്ല. അതുകൊണ്ടുതന്നെ അദ്ദേഹത്തിന്റെ പരാജയവും ഉറപ്പാണ്.
