Click it and Unblock the Notifications
Just In
Don't Miss
-
IPL 2024: ലോകം മുഴുവന് കണ്ടു, കണ്ണടച്ച് അംപയര്! മുംബൈക്കു മാത്രമല്ല ചെന്നൈയ്ക്കും പിന്തുണ -
ബിനുവിനെക്കൊണ്ട് അത് പറയിപ്പിച്ചത് ഞാന്; പലരും ബിനുവിനെ ഉന്നം വെക്കാന് അതും ഉപയോഗിച്ചു -
മോനേ... ജാഡ കാണിക്കാൻ ഇത്രേം പറ്റിയ ഐറ്റം വേറെയില്ല! ഐഫോൺ 15 പ്രോയ്ക്ക് ഡിസ്കൗണ്ട് -
ചൈനീസ് വാഹനങ്ങൾ അപകടകാരികളെന്ന് അമേരിക്ക, നിരോധനം ഉടനെ കാണുമോ എന്തോ -
ഇടുക്കി ഡാം സന്ദർശനം; പ്രവേശന നിയന്ത്രണം മുതൽ യാത്രയ്ക്കു മുൻപ് അറിയേണ്ട ആറു കാര്യങ്ങൾ -
രണ്ട് ശിവലിംഗങ്ങള്, രാവണനെ വധിച്ച പാപം തീര്ക്കാന് ശ്രീരാമന് ആരാധന നടത്തിയ ക്ഷേത്രം -
കുറയാൻ മറന്നിട്ടില്ല, സംസ്ഥാനത്ത് സ്വർണവിലയിൽ നേരിയ കുറവ്, ഇന്നത്തെ നിരക്കറിയാം
സിവിസി: കേരളം തെറ്റിദ്ധരിപ്പിച്ചുവെന്ന് കേന്ദ്രം
സിവിസി നിയമനം നിയമവിരുദ്ധമാണെന്ന കോടതിയുടെ കണ്ടെത്തലിന് പിന്നാലെയാണ് കേന്ദ്രസര്‍ക്കാര്‍ ഈ ആരോപണം ഉന്നയിച്ചിരിക്കുന്നത്.
സംസ്ഥാന സര്‍ക്കാര്‍ നല്‍കിയ വിവരങ്ങളുടെ അടിസ്ഥാനത്തിലാണ് തോമസിന്റെ ഔദ്യോഗിക രേഖകള്‍ തയാറാക്കിയതെന്ന് പഴ്‌സണല്‍ ആന്‍ഡ് ട്രെയിനിംഗ് വകുപ്പ്(ഡിപിടി) വ്യക്തമാക്കി. വിവരാവകാശ നിയമം അനുസരിച്ചുള്ള ചോദ്യത്തിനു നല്‍കിയ മറുപടിയിലാണ് ഡിപിടിയുടെ ആരോപണം.
പാമോയില്‍ കേസില്‍ വിചാരണ നേരിടുന്ന വിവരം മറച്ചുവച്ച് തോമസിനെ സിവിസിയായി നിയമിച്ചതിന്റെ പേരില്‍ കേന്ദ്രസര്‍ക്കാര്‍ പ്രതിക്കൂട്ടിലായ സാഹചര്യത്തിലാണ് ഡിപിടിയുടെ വിശദീകരണം.
ഡിപിടി നല്‍കിയ വസ്തുതകള്‍ അടിസ്ഥാനമാക്കിയാണ് പ്രധാനമന്ത്രി അധ്യക്ഷനായുള്ള ഉന്നതാധികാരസമിതി തോമസിനെ നിയമിച്ചത്.
സംസ്ഥാന സര്‍ക്കാരുകള്‍ നല്‍കുന്ന വിവരങ്ങളാണ് സിവില്‍സര്‍വീസ് ഉദ്യോഗസ്ഥരുടെ എക്‌സിക്യൂട്ടീവ് റെക്കോഡ് ഷീറ്റില്‍ രേഖപ്പെടുത്തുന്നത്. എന്നാല്‍ കേരള കേഡര്‍ ഐഎഎസുകാരനായ തോമസിന്റെ റെക്കോഡില്‍ അദ്ദേഹത്തിന്റെ പേരില്‍ ക്രിമിനല്‍ കേസ് ഉള്ള വിവരം സംസ്ഥാന സര്‍ക്കാര്‍ മറച്ചു വയ്ക്കുകയായിരുന്നുവെന്ന് ഡിപിടി പറയുന്നു.
ഉന്നതാധികാര സമിതിയുടെ പരിഗണനയ്ക്കു സമര്‍പിച്ച ബയോഡാറ്റ സംസ്ഥാന സര്‍ക്കാരുകള്‍ നല്‍കുന്ന വിവരത്തിന്റെ അടിസ്ഥാനത്തിലുള്ളതാണ്. എക്‌സിക്യൂട്ടീവ് റെക്കോഡ് ഷീറ്റില്‍ സത്യസന്ധമായ വിവരങ്ങള്‍ നല്‍കാനുള്ള ഉത്തരവാദിത്തം സംസ്ഥാനസര്‍ക്കാരുകള്‍ക്കാണ്-മറുപടിയില്‍ പറയുന്നു.
പ്രധാനമന്ത്രി മന്‍മോഹന്‍ സിംഗ്, ആഭ്യന്തരമന്ത്രി പി. ചിദംബരം, പ്രതിപക്ഷനേതാവ് സുഷമാസ്വരാജ് എന്നിവര്‍ അംഗങ്ങളായ ഉന്നതാധികാരസമിതിയില്‍ തോമസിന്റെ പേര് പരിഗണനയ്ക്കു വന്നത്.
തോമസിന്റെ പേരിലുള്ള കേസുള്ള കാര്യം പ്രതിപക്ഷ നേതാവ് ചൂണ്ടിക്കാട്ടിയെങ്കിലും അദ്ദേഹത്തിന്റെ റെക്കോഡ് ഷീറ്റില്‍ ഈ പരാമര്‍ശം ഇല്ലെന്ന ന്യായംപറഞ്ഞാണ് നിയമനം നടത്തിയത്.
