കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

'ഗൗരിയമ്മ ജയിച്ചാല്‍ സ്വര്‍ണമോതിരം നല്‍കും'

  • By Lakshmi
Google Oneindia Malayalam News

അരൂര്‍: ജെഎസ്എസ് നേതാവ് കെ.ആര്‍. ഗൌരിയമ്മ നിയമസഭാ തിരഞ്ഞെടുപ്പില്‍ മല്‍സരിച്ച് വിജയിച്ചാല്‍, തന്റെ വകയായി സ്വര്‍ണമോതിരം സമ്മാനം നല്‍കുമെന്ന് എസ്എന്‍ഡിപി യോഗം ജനറല്‍ സെക്രട്ടറി വെള്ളാപ്പള്ളി നടേശന്‍.

നിലവില്‍ ഗൗരിയമ്മയ്ക്ക് ഓര്‍മശക്തിയും കര്‍മശക്തിയുമില്ല. അരൂര്‍ എന്നല്ല, ഏതു മണ്ഡലത്തില്‍ അവര്‍ മല്‍സരിച്ചാലും പതിനായിരം വോട്ടു പോലും ലഭിക്കില്ല. വ്യക്തിപരമായി ഗൗരിയമ്മയോട് വിരോധമൊന്നുമില്ല.

പ്രായാധിക്യം കണക്കിലെടുത്ത് അവര്‍ മല്‍സര രംഗത്ത് നിന്നു പിന്‍മാറി മറ്റുള്ളവര്‍ക്ക് മല്‍സരിക്കാനുള്ള സാഹചര്യം ഒരുക്കണം. വാഹനത്തില്‍ കയറാനും ഇറങ്ങാനും അവര്‍ക്കിപ്പോള്‍ പരസഹായം വേണം. ഈ അവസ്ഥയിലാണ് വീണ്ടും അങ്കത്തിനിറങ്ങാന്‍ ഒരുങ്ങുന്നത്- വെള്ളാപ്പള്ളി ചൂണ്ടിക്കാട്ടി.

ഗൗരിയമ്മ ഭരണത്തില്‍ ഉണ്ടായിരുന്ന സമയത്ത് ഈഴവ സമുദായത്തെ സഹായിച്ചിട്ടില്ല. കഴിഞ്ഞ യുഡിഎഫ് ഭരണത്തില്‍ ഗൗരിയമ്മയെക്കുറിച്ച് ആര്‍ക്കും നല്ല അഭിപ്രായം ഇല്ലായിരുന്നു. എം.വി. രാഘവനും ഇതേ ഗണത്തില്‍പ്പെടുന്ന കക്ഷിയാണ് വെള്ളാപ്പള്ളി പറഞ്ഞു.

വി.എസ് അച്യുതാനന്ദനും മല്‍സരിക്കാന്‍ ഒരുങ്ങുകയാണല്ലോ എന്നു ചോദിച്ചപ്പോള്‍ വിഎസിന് തനിയെ വണ്ടിയില്‍ കയറാനും, ഇറങ്ങാനും കഴിയുന്നുണ്ടെന്നായിരുന്നു വെള്ളാപ്പള്ളിയുടെ പ്രതികരണം. വി.എസ്. മല്‍സരിക്കണമെന്നു പാര്‍ട്ടി നേതൃത്വം ആവശ്യപ്പെട്ടാല്‍ മല്‍സരിക്കണമെന്നു തന്നെയാണ് തന്റെയും അഭിപ്രായമെന്നും വെള്ളാപ്പള്ളി പറഞ്ഞു.

ഞായറാഴ്ച എഴുപുന്ന പഞ്ചായത്തിലെ കാക്കത്തുരുത്ത് ദ്വീപില്‍ എസ്എന്‍ഡിപി യോഗത്തിന്റെ ശാഖ ഉദ്ഘാടനം ചെയ്യാനെത്തിയതായിരുന്നു അദ്ദേഹം.

English summary
SNDP yogam general secretary Vellapally Nadeshan said that JSS leader KR Gowriyamma is too old to compete in assembly election.
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X