ഇന്ത്യയില്‍ സുനാമി ഭീഷണിയില്ല

By Ajith Babu

Published: Friday, March 11, 2011, 15:51 [IST]

ദില്ലി: ജപ്പാനിലുണ്ടായ വന്‍ ഭൂകമ്പം ഇന്ത്യയ്ക്കു ഭീഷണിയാകില്ലെന്ന് കാലാവസ്ഥാ നിരീക്ഷണകേന്ദ്രം അറിയിച്ചു ഇന്ത്യന്‍ തീരങ്ങളെ ദുരന്തം ബാധിക്കില്ലെന്നും സൂനാമി മുന്നറിയിപ്പും നല്‍കിയിട്ടില്ലെന്നും അവര്‍ അറിയിച്ചു.

അതേ സമയം സംസ്ഥാനത്ത് സംസ്ഥാനത്ത് മത്സ്യത്തൊഴിലാളികള്‍ കടലില്‍ പോകരുതെന്ന് മുന്നറിയിപ്പ് നല്‍കിയിട്ടുണ്ട്.മുന്‍കരുതല്‍ നടപടിയുടെ ഭാഗമായിട്ടാണ് മുന്നറിയിപ്പ് നല്‍കിയതെന്ന് അധികൃതര്‍ വ്യക്തമാക്കി.

അതേ സമയം ജപ്പാന്‍ ഭൂകമ്പത്തിന്റെ പശ്ചാത്തലത്തില്‍ ഫിലിപ്പീന്‍സിന്റെ പശ്ചിമ തീരത്തെ 19 പ്രവിശ്യകളില്‍ സൂനാമി മുന്നറിയിപ്പ് നല്‍കിയിട്ടുണ്ട്. ഇതേത്തുടര്‍ന്ന് തീരപ്രദേശങ്ങളിലെ ജനങ്ങളെ ഒഴിപ്പിക്കാന്‍ തുടങ്ങി. ഇന്തൊനീഷ്യ, തായ്‌വാന്‍, റഷ്യ, ഹവായി, ഓസ്‌ട്രേലിയ,ന്യൂസിലന്‍ഡ്, മെക്‌സിക്കോ, ചിലി, പെറു തുടങ്ങിയ രാജ്യങ്ങളിലും സൂനാമി മുന്നറിയിപ്പു നല്‍കിയിട്ടുണ്ട്.

Published On March 11, 2011