Click it and Unblock the Notifications
Just In
Don't Miss
-
നായികമാര് ഇല്ലാതാവുന്ന ഫഹദ് ചിത്രങ്ങള്? 'ആണ്-പെണ് ബന്ധം എക്സ്പ്ലോര് ചെയ്യാന് ആഗ്രഹമുണ്ട്' -
IPL 2024: ഗില് ലോക മണ്ടന്, ഇങ്ങനെയൊരു ദുരന്തം ക്യാപ്റ്റന്സിയില്ല! ജിടിയെ തോല്പ്പിച്ച പിഴവിതാ -
ഒരു രക്ഷയുമില്ലാത്ത രുചിയും ലുക്കും, നിമിഷങ്ങള് കൊണ്ട് ബനാന ബ്രെഡ് പുഡ്ഡിംഗ് ഉണ്ടാക്കാം -
തൊണ്ണൂറ് ലക്ഷം ടയറുകളുടെ വിൽപ്പനയുമായി ബ്രിഡ്ജ്സ്റ്റോൺ, 2026 -ൽ ലക്ഷ്യം വയ്ക്കുന്നത് 25 ശതമാനം വളർച്ച -
DSLRനെ വെല്ലും ക്യാമറ മികവുമായി ഓപ്പോ; ഫൈൻഡ് X7 അൾട്ര ആള് പൊളി തന്നെ -
ദിവസവും 7 രൂപ നിക്ഷേപിക്കാമോ, പ്രതിമാസം നേടാം 5000 രൂപ, ഇതാണ് സൂപ്പർ ഹിറ്റ് പദ്ധതി -
ഈ വെക്കേഷൻ വിദേശത്ത്...ചെലവ് പേടിക്കുകയേ വേണ്ട.. കേരളത്തിൽ നിന്ന സുഖമായി പോയി വരാം
ജപ്പാനെ തുടര്‍ചലനങ്ങള്‍ പിടിച്ചുലയ്ക്കുന്നു
ഞായറാഴ്ച ജപ്പാന്റെ കിഴക്കന്‍ തീരത്ത് ടോക്കിയോയില്‍ നിന്നും 179 കിലോമീറ്റര്‍കിഴക്കാണ് റിച്ചര്‍ സ്‌കെയിലില്‍ 6.2 തീവ്രത രേഖപ്പെടുത്തിയ തുടര്‍ ചലനമുണ്ടായത്.
24.5 ആഴത്തില്‍ അനുഭവപ്പെട്ട തുടര്‍ ചലനത്തില്‍ ആളപായമോ നാശനഷ്ടമോ റിപ്പോര്‍ട്ടു ചെയ്തിട്ടില്ല. വെള്ളിയാഴ്ച 8.9 തീവ്രതയിലുണ്ടായ വന്‍ ഭൂചലനത്തിനും സൂനാമിക്കും പിന്നാലെ നൂറ്റിഎഴുപതോളം തുടര്‍ചലനങ്ങളാണ് ജപ്പാനില്‍ അനുഭവപ്പെട്ടത്.
ഇതിനിടെ 'ഫുകുഷിമ' ആണവനിലയത്തിലെ ഒരു ആണവറിയാക്ടറിന്റെ ശീതീകരണസംവിധാനം കൂടി ഞായറാഴ്ച രാവിലെ തകരാറിലായതായും റിപ്പോര്‍ട്ടുണ്ട്. ഇതോടുകൂടി പ്രവര്‍ത്തനരഹിതമായ ആണവറിയാക്ടറുകളുടെ എണ്ണം ആറ് ആയി.
ഫുകുഷിമ ആണവനിലയത്തില്‍ ശനിയാഴ്ചയുണ്ടായ വന്‍സ്‌ഫോടനം ഉയര്‍ത്തിയ ആശങ്ക തുടരുകയാണ്. സ്‌ഫോടനമുണ്ടായ ആണവറിയാക്ടറില്‍ നിന്ന് അണുവികിരണച്ചോര്‍ച്ച ഉണ്ടായതായി അധികൃതര്‍ സ്ഥിരീകരിച്ചു. ദുരന്തഭീഷണിയെത്തുടര്‍ന്ന് രണ്ടര ലക്ഷത്തോളം പേരെ ഈ മേഖലയില്‍ നിന്ന് മാറ്റിപ്പാര്‍പ്പിച്ചു.
പ്രതിസന്ധി പരിഹരിക്കാന്‍ യുദ്ധകാലാടിസ്ഥാനത്തില്‍ നടപടി തുടങ്ങിയിട്ടുണ്ട്. ഭൂകമ്പത്തെത്തുടര്‍ന്ന് ശീതീകരണസംവിധാനങ്ങള്‍ തകരാറിലായ വേറെയും ആണവറിയാക്ടറുകള്‍ വികിരണഭീഷണി ഉയര്‍ത്തുന്നുണ്ട്. അണുവികിരണം കൂടിയ തോതിലുണ്ടായാല്‍ സുനാമിക്കു പിന്നാലെ മറ്റൊരു വന്‍ദുരന്തത്തിന് വഴിയൊരുക്കുമെന്ന ആശങ്ക ജപ്പാനെ കടുത്ത സമ്മര്‍ദത്തിലാഴ്ത്തുകയാണ്.
