തരൂരും സുനന്ദയും പക്വതയില്ലാതെ പെരുമാറി: ബിജെപി
ലോക്സഭയുടെ സന്ദര്ശക ഗാലറിയില് ഇരുന്ന സുനന്ദയും സഭയിലിരുന്ന തരൂരും സഭാ ചട്ടങ്ങള് ലംഘിക്കുന്ന രീതിയില് പെരുമാറിയെന്നാണ് ബിജെപി ആരോപിക്കുന്നത്.
രണ്ടുപേരും ആംഗ്യങ്ങളിലൂടെ ഒട്ടേറെ സമയം ആശയവിനിമയം നടത്തിയത് പെരുമാറ്റച്ചട്ടത്തിന് നിരക്കാത്തതാണെന്നാണ് ബിജെപി നേതൃത്വം പറയുന്നത്. ഗ്യാലറിയിലുള്ളവരെ അഭിവാദ്യം ചെയ്യുന്നതുപോലും വിലക്കിയിട്ടുള്ള സഭാ പെരുമാറ്റച്ചട്ടങ്ങള് ദമ്പതിമാര് ലംഘിച്ചുവെന്ന് ബിജെപി പറയുന്നു.
ഇവര് തീരെ അപക്വമായിട്ടാണ് സഭയില് പെരുമാറിയതെന്നും വിമര്ശനമുയരുന്നുണ്ട്. ലോക്സഭയിലെ നയതന്ത്രപ്രതിനിധി ഗാലറിയിലാണ് സുനന്ദ ആദ്യമിരുന്നത്. ഇവിടെനിന്നും തരൂരിനെ മുഖത്തോട് മുഖം കാണാന് കഴിയുമായിരുന്നില്ല.
ഇതിനാല് പിന്നീട് സുനന്ദ എതര്വശത്തെ സ്പീക്കറുടെ ഗാലറിയിലേയ്ക്ക് മാറി. സഭയിലെ അംഗങ്ങളെല്ലാം സുനന്ദയെ ശ്രദ്ധിക്കുന്നുണ്ടായിരുന്നു. ഗ്ലാമര് പരിവേഷവുമായി എത്തിയ സുനന്ദ തന്നെയായിരുന്നു മാധ്യമങ്ങളുടെ ശ്രദ്ധാകേന്ദ്രവും.
Click it and Unblock the Notifications
Sign in with Google