കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

ബഹ്‌റൈന്‍ പ്രക്ഷോഭം; മലയാളി മരിച്ചു

  • By Lakshmi
Google Oneindia Malayalam News

Bahrain Protest
മനാമ: ജനാധിപത്യ പ്രക്ഷോഭങ്ങള്‍ രൂക്ഷമാകുന്ന ബഹ്‌റൈനിലെ പ്രശ്‌നബാധിത മേഖലകളിലൊന്നായ ബുദയ്യയില്‍ ഒരു മലയാളി വെടിയേറ്റുമരിച്ചു.

സെക്യൂരിറ്റി ഉദ്യോഗസ്ഥനായ പത്തനംതിട്ട സ്വദേശി സ്റ്റീഫന്‍ ഏബ്രഹാം ആണു മരിച്ചത്. അല്‍ മേയ്ഡ് സെക്യൂരിറ്റി കമ്പനിയുടെ കീഴില്‍ അവാല്‍ ഡെയറിയിലാണു സ്റ്റീഫന്‍ ജോലി ചെയ്തിരുന്നത്. തലസ്ഥാനമായ മനാമയുടെ വടക്കന്‍ മേഖലയിലാണു ബുദയ്യ.

പ്രക്ഷോഭകരും സൈനികരും തമ്മിലുള്ള ഏറ്റുമുട്ടല്‍ കണ്ടു നില്‍ക്കവെ അബദ്ധവശാല്‍ വെടിയേറ്റതാണെന്ന് ബഹ്‌റൈനിലെ ഇന്ത്യന്‍ എംബസി അറിയിച്ചു. പ്രക്ഷോഭത്തെത്തുടര്‍ന്ന് ബഹ്‌റൈനില്‍ ജനജീവിതം ദുസ്സഹമാവുകയാണ്. ഇന്ത്യയില്‍ നിന്നുള്ള പ്രവാസികളോട് എംബസിയുടെ വെബ്‌സൈറ്റില്‍ പേരുവിവരങ്ങള്‍ രജിസ്റ്റര്‍ ചെയ്യാന്‍ അധികൃതര്‍ ആവശ്യപ്പെട്ടിട്ടുണ്ട്.

ബഹ്‌റൈന്‍ തലസ്ഥാന നഗരിയിലും മറ്റും തമ്പടിച്ച പ്രക്ഷോഭകരെ ഒഴിപ്പിക്കാനുള്ള ശ്രമത്തിനിടെയുണ്ടായ ഏറ്റുമുട്ടലില്‍ കഴിഞ്ഞദിവസംരണ്ടു സൈനികര്‍ കൊല്ലപ്പെട്ടിരുന്നു.

അക്രമത്തില്‍ ഒരു ബംഗദേശ് പൌരന്‍ കൊല്ലപ്പെട്ടതായും 17 ഏഷ്യന്‍ വംശജര്‍ക്ക് പരുക്കേറ്റതായും നേരത്തെ റിപ്പോര്‍ട്ട് ഉണ്ടായിരുന്നു.

ഇതിനിടെ ബഹ്‌റൈനിലെ പ്രക്ഷോഭത്തെ സൈന്യം അടിച്ചമര്‍ത്തുകയാണ്. കഴിഞ്ഞ ദിവസം അടിയന്തരാവസ്ഥ പ്രഖ്യാപിച്ച രാജാവ് പ്രക്ഷോഭം അടിച്ചമര്‍ത്താനുള്ള അധികാരം സൈന്യത്തിന് നല്‍കിയിരുന്നു. സൗദി അറേബ്യ, യുഎഇ എന്നീ രാജ്യങ്ങള്‍ ബഹ്‌റൈന് പ്രക്ഷോഭം അടിച്ചമര്‍ത്താന്‍ സൈനിക സഹായം നല്‍കുന്നുണ്ട്.

English summary
An expatriate from Kerala, Steephen Abraham shot dead by while the protest at Baharain. The death toll from clashes between anti-government protesters and Bahraini security forces rose to five Wednesday, as the military imposed a curfew and warned people not to gather in public places.
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X