വിഎസ് സിപിഎമ്മിന് വേണ്ടാത്ത മുഖ്യന്
വാക്കും പ്രവൃത്തിയുമായി ഒരു ബന്ധവുമില്ലാത്ത വിഎസ് പറഞ്ഞിട്ടുള്ള ഏതെങ്കിലും വിഷയങ്ങള് പ്രാവര്ത്തികമായോ? കിളിരൂരിലെ വി.ഐ.പിയുടെ പേരു വെളിപ്പെടുത്തും എന്നത് ഉള്പ്പെടെ പറഞ്ഞ ഒരു കാര്യവും നടപ്പാക്കാനായില്ല. ഏറ്റവുമധികം പീഡനവും അപമാനവും സ്ത്രീകള്ക്കുനേരെ ഉണ്ടായത് കഴിഞ്ഞ അഞ്ചു വര്ഷമാണ്.
വിഎസ് മന്ത്രിസഭയുടെ വികസനനയങ്ങളെയും പ്രതിപക്ഷ നേതാവ് വിമര്ശിച്ചു. പത്രപരസ്യവും ഇല്ലാത്ത പദ്ധതികളുമായി ജനങ്ങളെ വഞ്ചിക്കുവാന് ഇനി നോക്കേണ്ട. കൃഷി വെട്ടിനിരത്തിയ വി.എസ് മുഖ്യമന്ത്രിയായപ്പോള് ജെ.സി.ബി ഉപയോഗിച്ച് ഇടിച്ച് നിരത്തുന്ന സമീപനമാണ് ഉണ്ടായത്. ഇടതു ദുര്ഭരണത്തിന് വിരാമം ഇട്ടുകൊണ്ട് ജനങ്ങളുടെ ആവശ്യങ്ങള് മനസിലാക്കി ലക്ഷ്യബോധമുള്ള പദ്ധതികളുമായി സര്ക്കാര് രൂപീകരിക്കാനാണ് യു.ഡി.എഫ് ആഗ്രഹിക്കുന്നത്.
കോണ്ഗ്രസും യു.ഡി.എഫും ഒറ്റക്കെട്ടായി പ്രചാരണരംഗത്ത് ഇറങ്ങുമെന്നും ഉമ്മന്ചാണ്ടി പറഞ്ഞു. നിയമസഭാ തിരഞ്ഞെടുപ്പില് യു.ഡി.എഫ് തിളക്കമാര്ന്ന വിജയം നേടുമെന്ന് കണ്വീനര് പിപി തങ്കച്ചന് പറഞ്ഞു.
Click it and Unblock the Notifications
Sign in with Google