എംആര് മുരളി പെരുവഴിയില്; ജോസി മാറില്ല
ശക്തമായ പ്രതിഷേധമുയര്ന്നെങ്കിലും ഉടുമ്പന് ചോലയിലെ സ്ഥാനാര്ഥി ജോസി സെബാസ്റ്റ്യനെ മാറ്റില്ലെന്നും ചെന്നിത്തല അറിയിച്ചു. ഉടുമ്പന് ചോലയില് ജോസിയുടെ സ്ഥാനാര്ഥിത്വത്തില് പ്രതിഷേധം തുടരുന്നവര്ക്കെതിരേ കര്ശന നടപടിയെടുക്കുമെന്നും രമേശ് ചെന്നിത്തല പറഞ്ഞു.
ജോസിയുടെ സ്ഥാനാര്ഥിത്വത്തിനെതിരേ കോണ്ഗ്രസ് പ്രാദേശിക ഘടകം പ്രതിഷേധവുമായി രംഗത്തെത്തിയിരുന്നു. പത്ത് മണ്ഡലം പ്രസിഡന്റുമാരും രണ്ട് ബ്ലോക്ക് പ്രസിഡന്റുമാരും ഒറ്റയടിയ്ക്ക് രാജിവക്കുകയും ചെയ്തിരുന്നു.
ചങ്ങനാശേരി സ്വദേശിയായ ജോസിയെ മാറ്റി ഇബ്രാഹീം കുട്ടി കല്ലാറിനെ പകരം ഇവിടെ സ്ഥാനാര്ഥിയാക്കുമെന്നായിരുന്ന് അഭ്യൂഹങ്ങള് പരന്നിരുന്നു. കോണ്ഗ്രസ് ഹൈക്കമാന്ഡിന്റെ നിര്ദേശമനുസരിച്ചാണ് ജോസി സെബാസ്റ്റ്യന് സീറ്റ് നല്കിയത്. സിഎംപിക്ക് താല്പര്യമില്ലാത്ത നാട്ടിക കോണ്ഗ്രസ് ഏറ്റെടുത്തു. പകരം നെന്മാറ നല്കും. സോഷ്യലിസ്റ്റ് ജനത 6 സീറ്റിലാണ് മത്സരിയ്ക്കുന്നത്.