ഗൗരിയമ്മയ്ക്ക് സിന്ധുവിന്റെ ആശ്ലേഷവും ചുംബനവും
ചേര്ത്തല: വര്ഷങ്ങള്ക്കുമുമ്പ് സിപിഎം വിട്ട കെആര് ഗൗരിയമ്മയും അടുത്തിടെ പാര്ട്ടി വിട്ട സിന്ധു ജോയിയും ഒരുമിച്ച് ഒരേവേദിയില്. ചേര്ത്തലയില് ഗൗരിയമമയുടെതിരഞ്ഞെടുപ്പ് പ്രചരണാര്ത്ഥം സംഘടിപ്പിച്ച തിരഞ്ഞെടുപ്പ്കണ്വെന്ഷനിലായിരുന്നു രണ്ടുപേരുടെയും സമാഗമം. കണ്വെന്ഷന് ഉത്ഘാടനം ചെയ്ത സിന്ധുജോയി ഗൗരിയമ്മയെ ആശ്ലേഷിച്ച് ചുംബിച്ചപ്പോള് സിന്ധുവിനെ ഗൗരിയമ്മ ഷാളണിയിച്ച് സ്വീകരിച്ചു.
'ഗൗരിയമ്മ പുറത്തുപോയ കാലത്തെ സാഹചര്യം തന്നെയാണ് സിപിഎമ്മില് ഇപ്പോഴും നിലനില്ക്കുന്നതെന്നും സ്ത്രീകള്ക്ക് ഇപ്പോഴും പാര്ട്ടിയില് അവഗണനയാണെന്നും സിന്ധു വെളിപ്പെടുത്തി.
വിപ്ലവകാരിയായ ഗൗരിയമ്മയെക്കുറിച്ച് വായിച്ചും കേട്ടുമുള്ള അറിവേയുള്ളൂ. കമ്യൂണിസ്റ്റ് പാര്ട്ടി ഗൌരിയമ്മയുടെ ത്യാഗോജ്വലമായ പ്രവര്ത്തനങ്ങളെ കണ്ടില്ലെന്നു നടിച്ച് മാനസികമായി പീഡിപ്പിച്ചു പുറത്തു കളഞ്ഞതാണെന്നും ഈ അവസ്ഥയ്ക്ക ഇന്നും മാറ്റമില്ലെന്നും സിന്ധു പറഞ്ഞു.
പാര്ട്ടിക്കുവേണ്ടി ഇത്രയധികം സഹനങ്ങളും ത്യാഗങ്ങളും അനുഭവിച്ചിട്ടുള്ള മറ്റൊരു ഗൗരിയമ്മ ഇനി ഉണ്ടാവില്ല. പാര്ട്ടിയെ പടുത്തുയര്ത്തുന്നതിനുവേണ്ടി നിലനിന്ന വ്യക്തി അനുഭവിക്കേണ്ടിവരുന്ന മാനസിക ബുദ്ധിമുട്ട് എനിക്കറിയാം-അവര് തുടര്ന്നു.
2006 ല് വിഎസ് അധികാരത്തില് വരുമ്പോള് സ്ത്രീപീഡകരെ കയ്യാമം വയ്ക്കുമെന്നു പറഞ്ഞു. പക്ഷേ കിളിരൂര് കേസിലെ വിഐപിയെ മുന്നില് കൊണ്ടുവരാന് പോലും കഴിഞ്ഞില്ല. വിഎസിന്റെ കപടമുഖമാണ് നമ്മള് കണ്ടത്. പട്ടാപകല് ഐജിക്ക് വഴി നടക്കുവാന് കഴിയാത്ത നാട്ടില് എങ്ങനെയാണ് ഈ സര്ക്കാര് സ്ത്രീകളെ സംരക്ഷിക്കുക- സിന്ധു ചോദിച്ചു.