ഫുള്‍ കിട്ടില്ല, പൈന്റടിച്ച് ഫിറ്റാവുക

ചെന്നൈ: ഒരു ഫുള്‍ അകത്താക്കി വോട്ട് കുത്താന്‍ പോകാമെന്ന് കരുതുന്ന തമിഴക മക്കള്‍ ക്ഷമിയ്ക്കുക. തിരഞ്ഞെടുപ്പ് കഴിയുന്നത് വരെ തമിഴ് ജനതയ്ക്ക് ഒരു പൈന്റ് കൊടുത്താല്‍ മതിയെന്നാണ് തിരഞ്ഞെടുപ്പ് കമ്മീഷന്റെ നിര്‍ദ്ദേശം. കമ്മീഷന്‍ പറഞ്ഞതുകൊണ്ട് ആരും പ്രതിഷേധവുമായി രംഗത്തും വരുന്നില്ല.

തമിഴ്‌നാട്ടിലെ സര്‍ക്കാര്‍ മദ്യശാലയ്ക്കുള്ളിലാണ്(ടാസ്മാക്) തിരഞ്ഞെടുപ്പ് കഴിയും വരെ ഹാഫ് ബോട്ടിലോ അതിന് താഴെയോ മാത്രം അളവില്‍ മദ്യം നല്‍കാവൂയെന്ന കര്‍ശനനിര്‍ദ്ദേശം നല്‍കിയിരിയ്ക്കുന്നത്. അളവ് കുറയ്ക്കുക മാത്രമല്ല. ഏപ്രില്‍ 11ന് വൈകിട്ട് അഞ്ച് മണി മുതല്‍ 13ന് രാത്രി വരെ ബാറുകളും മദ്യവില്‍പന ശാലകളും അടച്ചിടണമെന്നും കമ്മീഷന്റെ ഉത്തരവില്‍ പറയുന്നു.

തിരഞ്ഞെടുപ്പ് മുന്നില്‍ക്കണ്ട്. ജനങ്ങളും പാര്‍ട്ടികളും അധികം അളവില്‍ മദ്യം സ്റ്റോക്ക് ചെയ്യാനുള്ള സാധ്യത മുന്‍കൂട്ടിക്കണ്ടാണ് പൈന്റ് പരിപാടി കമ്മീഷന്‍ നടപ്പാക്കിയിരിക്കുന്നത്.

English summary

Election commission has planned to close the TASMAC shops in the state for 5 days starting from april 8. So it has asked for TASMAC administration's opnion. Based on that shops will be closed.