ജപ്പാന് മറ്റൊരുചേര്ണോബിലാവുന്നു
1986ലെ ചെര്ണോബില് ദുരന്തത്തിന്റെ 10 ശതമാനത്തിന് തുല്യമാണ് ആണവവികിരണ തോതെന്ന് ജപ്പാനിലെ ആണവ സുരക്ഷാ ഏജന്സി അറിയിച്ചു. ജപ്പാന് മറ്റൊരു ആണവദുരന്തത്തിലേക്ക് നീങ്ങുന്നതെന്നാണ് പുതിയ റിപ്പോര്ട്ടുകള് സൂചിപ്പിയ്ക്കുന്നത്. ഹിരോഷിമ-നാഗസാക്കി ദുരന്തങ്ങളുടെ ഓര്മ്മകളില് ജീവിയ്ക്കുന്ന ജനത ഏറെ ഭയത്തോടെയാണ് പുതിയ വാര്ത്തകളെ കാണുന്നത്.
തിങ്കളാഴ്ചയുണ്ടായ ശക്തമായ ഭൂചലനത്തിനു ശേഷമാണ് വികിരണ ഭീഷണി ഉയര്ന്നത്. ഫുകുഷിമ പ്രവിശ്യയില് ഭൂമിക്കടിയില് കേവലം പത്തുകിലോമീറ്റര് താഴെയായിരുന്നു ഇന്നലത്തെ ചലനത്തിന്റെ പ്രഭവകേന്ദ്രം.ടോക്കിയോയില് നിന്നു 164 കിലോമീറ്റര് വടക്കുകിഴക്കാണ് ഈ സ്ഥലം.
പ്ളാന്റിന് 20 കിലോമീറ്റര് ചുറ്റളവിലുള്ള ജനങ്ങളെ മാറ്റിപ്പാര്പ്പിച്ചിട്ടുണ്ട്. ജനങ്ങളോട് വീടുകള്ക്കുള്ളില് തന്നെ കഴിഞ്ഞു കൂടാനും നിര്ദ്ദേശം നല്കിയതായി അധികൃതര് അറിയിച്ചു.