സായി ബാബയുടെ പുനരവതാരം കാവേരി തീരത്ത്

ബാംഗ്ലൂര്‍: സത്യസായിബാബയുടെ പുനരവതാരം ഉപേക്ഷിക്കപ്പെട്ട കുഞ്ഞായിരിക്കുമെന്ന് പ്രവചനം. കടുത്ത സായി ഭക്തനായ ഹാലഗപ്പയാണ് അവതാര പരമ്പരയിലെ മൂന്നാമനെക്കുറിച്ചുള്ള വിവരങ്ങളുമായി രംഗത്തെത്തിയിരിക്കുന്നത്.

ശ്രീരംഗപട്ടണത്തിന്റെ സമീപമുള്ള കാവേരി തീരമായിരിക്കും 'പ്രേമസായി'യുടെ ജന്മദേശം. നദീതീരത്ത് ഉപേക്ഷിക്കപ്പെട്ടനിലയില്‍ ലഭിക്കുന്ന ശിശുവിനെ മത്സ്യത്തൊഴിലാളി എടുത്തുവളര്‍ത്തും.ഗ്രാമത്തിന്റെ പേര് പ്രേമസായിയുടെ വരവിനുശേഷം ഗുണപര്‍ത്തിയെന്നാകാനും സാധ്യതയുണ്ടെന്നു ഹാലഗപ്പ പറയുന്നു.

പിന്‍ഗാമിയെ സംബന്ധിച്ചു സത്യസായിബാബ 1963 ല്‍തന്നെ പൂര്‍ണമായ വെളിപ്പെടുത്തല്‍ നടത്തിയെന്നും ഇതിന്റെ അടിസ്ഥാനത്തിലാണു താന്‍ പ്രേമസായിക്കുറിച്ചു കൂടുതല്‍ കാര്യങ്ങള്‍ പറയുന്നതെന്നുമാണു ഹാലഗപ്പയുടെ വാദം.

English summary

If the words of Halagappa, ardent devotee of Sathya Sai Baba, are to be believed, it was in the early 60s itself that Baba had broached the issue of his reincarnation as Prema Sai, in a village on the banks of the river Cauvery, near Srirangapatna.