പാകിസ്താനില്‍ ബസ് കത്തിച്ചു; 15 മരണം

ഇസ്ലാമാബാദ്: പാക്കിസ്ഥാനിലെ ബലൂചിസ്ഥാന്‍ പ്രവിശ്യയില്‍ അജ്ഞാതരായ അക്രമികള്‍ ബസ് അഗ്നിക്കിരയാക്കി. സംഭവത്തില്‍ 15 പേര്‍ കൊല്ലപ്പെട്ടു. നിരവധി പേര്‍ക്കു ഗുരുതരമായി പരിക്കേറ്റു. എട്ടു സ്ത്രീകളും അഞ്ചു കുട്ടികളും മരിച്ചവരില്‍ ഉള്‍പ്പെടും.

തലസ്ഥാനമായ ക്വറ്റയില്‍ നിന്നു 160 കിലോമീറ്റര്‍ അകലെ സിബി നഗരത്തിലാണു സംഭവം. പെഷവാറില്‍ നിന്നു വരികയായിരുന്ന ബസിനാണ് പിരക് മേഖലയ്ക്കു സമീപംവച്ച് ബൈക്കിലെത്തിയ ആയുധധാരികള്‍ തീവച്ചത്.

പിരകിലെ ഒരു ഹോട്ടലിനു സമീപം നിര്‍ത്തിയിട്ടിരുന്ന ബസിലേയ്ക്കു ഇരച്ചുകയറിയ ആയുധധാരികളായ നാലു പേര്‍ യാത്രക്കാരെ ഭീഷണിപ്പെടുത്തിയ ശേഷം പെട്രോളൊഴിച്ച് തീകൊളുത്തുകയായിരുന്നു. െ്രെഡവറും കണ്ടക്ടറും പുറത്തേക്കുചാടി രക്ഷപെട്ടു. തീ കാരണം യാത്രക്കാരില്‍ പലര്‍ക്കും രക്ഷപ്പെടാനായില്ല.

സംഭവത്തില്‍ ഗുരുതരമായി പൊള്ളലേറ്റ നിരവധി പേരെ രക്ഷപെടുത്തി ആശുപത്രിയില്‍ എത്തിച്ചതായി പ്രാദേശിക പോലീസ് മേധാവി അറിയിച്ചു. അക്രമികളെ കൂടാതെ െ്രെഡവര്‍ക്കും കണ്ടക്ടര്‍ക്കും വേണ്ടിയും പൊലീസ് തിരച്ചില്‍ ആരംഭിച്ചു.

English summary

At least 15 people, including eight women and five children, were burnt to death and several others suffered serious injuries in the wee hours of Tuesday when some armed men set a Quetta-bound bus on fire near Sibi city of Pakistan