കര്ഷകപ്രക്ഷോഭം: രാഹുല് നോയ്ഡ സന്ദര്ശിച്ചു
രാവിലെ ആറു മണിയോടെ ഇവിടെയെത്തിയ രാഹുല് ഗ്രാമവാസികളില് പലരുടെയും വീടുകള് സന്ദര്ശിച്ച് അവരുമായി ചര്ച്ച നടത്തി. കര്ഷകരുടെ പ്രശ്നങ്ങള് നേരിട്ട് അറിയുന്നതിനായിരുന്നു രാഹുലിന്റെ സന്ദര്ശനം.
ശനിയാഴ്ച ഭട്ട പര്സോല് ഗ്രാമത്തില് സംഘര്ഷത്തിനിടെ രണ്ടു പൊലീസുകാര് ഉള്പ്പെടെ നാലുപേര് മരിച്ചിരുന്നു. ഇവിടെ വന് പൊലീസ് സന്നാഹത്തെ വിന്യസിച്ചിട്ടുണ്ട്.
ഗ്രേറ്റര് നോയിഡ മേഖലയില് ഏക്കറ്റിനു 47 ലക്ഷം രൂപ നല്കി കര്ഷകരില് നിന്ന് ഏറ്റെടുത്ത ഭൂമി ഏകദേശം ഒന്നരക്കോടി രൂപയ്ക്കാണു സ്വകാര്യ നിര്മാണ കമ്പനിക്കു സര്ക്കാര് കൈമാറിയത്.
ഏറ്റെടുത്ത ഭൂമിക്കു കൂടുതല് വില നല്കണമെന്നും ഭൂമി വിട്ടുകൊടുത്ത കുടുംബങ്ങള്ക്ക് തൊഴില് നല്കണമെന്നും ആവശ്യപ്പെട്ട് ജനുവരി 17 മുതല് കര്ഷകര് സമരത്തിലാണ്. ചതുരശ്രമീറ്ററിന് 880 രൂപയാണ് സര്ക്കാര് നിശ്ചയിച്ചത്. ഇത് 3000 രൂപയായി വര്ദ്ധിപ്പിക്കണം എന്നാണ് കര്ഷകരുടെ ആവശ്യം.
Click it and Unblock the Notifications
Sign in with Google