രാഹുല്‍ ഗാന്ധിയുടെ സമീപത്ത് തോക്കുധാരി

കസ്‌ന: ഭൂമി ഏറ്റെടുക്കലമായി ബന്ധപ്പെട്ട് കര്‍ഷകര്‍ പ്രക്ഷോഭം തുടരുന്ന നോയിഡയിലെ ഭട്ട പര്‍സോളില്‍നിന്ന് അറസ്റ്റ് ചെയ്ത എഐസിസി ജനറല്‍ സെക്രട്ടറി രാഹുല്‍ ഗാന്ധിയുടെ കൂട്ടത്തില്‍ തോക്കുധാരിയായ യുവാവ്.

കസ്‌ന പോലീസ് സ്‌റ്റേഷനില്‍കൊണ്ടുവന്ന രാഹുലിനു ചുറ്റും വന്‍ ജനക്കൂട്ടമായിരുന്നു. അവര്‍ക്കൊപ്പമായിരുന്നു യുവാവ്. 20 നും 30 നും മധ്യേ പ്രായമുള്ള ഇയാള്‍ വസ്ത്രത്തിനുള്ളില്‍ വയറിനോടു ചേര്‍ന്നാണു തോക്ക് ഒളിപ്പിച്ചിരുന്നതെന്നു പോലീസ് പറഞ്ഞു.

രാഹുലിന് സമീപത്ത് ഒരു തോക്കുധാരിയെ കണ്ടെത്തിയത് സുരക്ഷാ ഉദ്യോഗസ്ഥരില്‍ വലിയ ഞെട്ടലുണ്ടാക്കിയിരിക്കുകയാണ്. ചോദ്യംചെയ്യുന്നതിനായി യുവാവിനെ രാഹുലിന്റെ സുരക്ഷാ ഉദ്യോഗസ്ഥര്‍ക്കു കൈമാറിയിട്ടുണ്ട്.

പൊലീസിന്റെ കണ്ണുവെട്ടിച്ച് പ്രക്ഷോഭ മേഖയില്‍ കടന്ന് കര്‍ഷകര്‍ക്കൊപ്പം നിന്ന രാഹുലിനെ ബുധനാഴ്ച രാത്രിയാണ് അറ്റുചെയ്തത്. പിന്നീട് ഇദ്ദേഹത്തെ ജാമ്യത്തില്‍ വിട്ടയയ്ക്കുകയും ചെയ്തു.

English summary

A youth armed with a country made pistol seen standing close to Congress leader Rahul Gandhi was detained on Wednesday night at Kasna police station in Uttar Pradesh