ഭൂരിപക്ഷം കുറഞ്ഞത് പരിശോധിക്കണം: സുധീരന്‍

തിരുവനന്തപുരം: നിയമസഭാ തിരഞ്ഞെടുപ്പില്‍ യു.ഡി.എഫിന് ഭൂരിപക്ഷം കുറഞ്ഞത് ഗൗരവമായി പരിശോധിക്കണമെന്ന് കോണ്‍ഗ്രസ് നേതാവ് വി.എം സുധീരന്‍ ആവശ്യപ്പെട്ടു.

കോണ്‍ഗ്രസിനെയും യു.ഡി.എഫിനെയും സ്‌നേഹിക്കുന്നവര്‍ക്ക് തിരഞ്ഞെടുപ്പ് ഫലം നിരാശയുണര്‍ത്തുന്നതാണ്. ഇതെ കുറിച്ച് ആത്മ പരിശോധന നടത്താന്‍ കോണ്‍ഗ്രസ് തയ്യാറാകണം.

കോണ്‍ഗ്രസിന് സീറ്റ് കുറഞ്ഞത് ചര്‍ച്ചചെയ്യാന്‍ കെ.പി.സി.സി നിര്‍വാഹക സമിതി യോഗം അടിയന്തരമായി വിളിക്കണം. യു.ഡി.എഫിനെയും കോണ്‍ഗ്രസിനെയും ഇഷ്ടപ്പെടുന്നവര്‍ക്കും പ്രവര്‍ത്തകര്‍ക്കും ഇപ്പോഴത്തെ അവസ്ഥയില്‍ നിരാശയുണ്ട്. സംഘടനാപരമായ വീഴ്ചയുണ്ടായോ എന്നും പരിശോധിക്കണം.

നേരിയ ഭൂരിപക്ഷത്തോടെയാണെങ്കിലും യു.ഡി.എഫ് അധാകരത്തില്‍ വരുന്നു എന്നത് ജനാധിപത്യവിശ്വാസികള്‍ക്ക് സന്തോഷം നല്‍കുന്ന കാര്യമാണെന്നും സുധീരന്‍ പറഞ്ഞു.

English summary

Senior Congress leader VM Sudheeran today opined that an emergency meeting of KPCC high power committee must be convened to discuss the UDF’s marginal win in the assembly elections.