പക്ഷി സ്വാതന്ത്ര്യത്തിന് വേണ്ടി കോടതി

അഹമ്മദാബാദ്: പക്ഷികളുടെ വാലും ചിറകും മുറിക്കുന്നതും കൂട്ടിലടയ്ക്കുന്നതും അവയുടെ കാലില്‍ വളയം അണിയിക്കുന്നതും കടുത്ത മൌലികാവകാശ ലംഘനമാണെന്ന് ഗുജറാത്ത് ഹൈക്കോടതി. പക്ഷികള്‍ക്ക് സ്വതന്ത്രമായി പറക്കാനുള്ള അവകാശമുണ്ടെന്നും കോടതി വ്യക്തമാക്കി.

സൂററ്റിലെ പക്ഷിവ്യാപാരികള്‍ സമര്‍പ്പിച്ച ഹര്‍ജികള്‍ തള്ളിക്കൊണ്ടാണ് ജസ്റ്റിസ് എം.ആര്‍. ഷായുടെ ഉത്തരവ്. കൂട്ടിലടച്ച 494 പക്ഷികളെ സ്വതന്ത്രരാക്കാനും കോടതി ഉത്തരവിട്ടു.

എല്ലാവരും പൌരാവകാശത്തെക്കുറിച്ച് സംസാരിക്കാറുണ്ട്. ഇനി പക്ഷി മൃഗാദികളുടെ അവകാശങ്ങളേക്കുറിച്ചും ചിന്തിക്കേണ്ടിയിരിക്കുന്നു കോടതി നിരീക്ഷിച്ചു

മൃഗങ്ങളോടുള്ള ക്രൂരതയ്‌ക്കെതിരെയും വന്യമൃഗസംരക്ഷണ നിയമപ്രകാരവും ലവ് ബേഡ്‌സ്, തത്ത, പ്രാവുകള്‍ തുടങ്ങിയവ ഉള്‍പ്പെടെയുള്ളവയെ പൊലീസ് കസ്റ്റഡിയിലെടുത്തതിനെതിരെയാണ് പക്ഷിവ്യാപാരികള്‍ കോടതിയില്‍ എത്തിയത്.

English summary

"In the present case, the manner in which birds are kept in the small cages, that too, when their wings are cut; their tails are cut; on their wings cello-tape is put and there are rings on their feet, nothing can be more heinous than such acts and there cannot be more glaring example of atrocity and inhumanity," it said in the order