Click it and Unblock the Notifications
Just In
Don't Miss
-
15x15x15 - കോടിപതിയാകാൻ ഒരു സൂത്രവാക്യം -
ഓഫ്റോഡറുകളുടെ രാജാവിൻ്റെ പുതിയമുഖം! 2024 ജീപ്പ് റാങ്ലർ ഫെയ്സ്ലിഫ്റ്റിൻ്റെ റിവ്യൂ വായിക്കാം -
മൂപ്പര്ക്ക് ആരെയും ഒന്നിനെയും പേടിയില്ല! മോഹന്ലാലില് നിന്നും ഇനിയും അത്ഭുതം പ്രതീക്ഷിക്കാമെന്ന് ഹരീഷ് പേരടി -
മേയ് 2024: ഭാഗ്യ സംഖ്യകളില് ജീവിതം രക്ഷപ്പെടുന്നവര് -
കിട്ടുക കല്ലേറോ, പൂച്ചെണ്ടോ? യുദ്ധഭൂമിയിൽ പുതിയ ഭടന്മാർ! HMD പൾസ് സീരീസ് ലോഞ്ച് ചെയ്തു -
T20 World Cup 2024: സഞ്ജുവിന് നീതി വേണം, ലോകകപ്പില് സീറ്റ് നല്കൂ; ആവശ്യപ്പെട്ട് തരൂര് -
മഞ്ഞുപെയ്യും മുന്നേ കാശ്മീരിലേക്ക് ട്രെയിൻ യാത്ര, 12 ദിവസ പാക്കേജ്, ഇതാണ് പറ്റിയ സമയം
സഹകരണം തേടി മമതയ്ക്ക് ടാറ്റ ഗ്രൂപ്പിന്റെ കത്ത്
കൊല്‍ക്കത്ത: ബംഗാളിന്റെ നിയുക്ത മുഖ്യമന്ത്രി മമത ബാനര്‍ജിയുടെ സഹകരണം തേടി പ്രമുഖ വ്യവസായ ഗ്രൂപ്പായ ടാറ്റ കത്തെഴുതി. ബംഗാളില്‍ നടത്താനുദ്ദേശിക്കുന്ന നിക്ഷേപങ്ങള്‍ക്ക് പുതിയ സര്‍ക്കാരിന്റെ സഹകരണം വേണമെന്നാണ് കത്തിലെ ആവശ്യം.
ടാറ്റ ഗ്രൂപ്പിന് വേണ്ടി ഉടമസ്ഥന്‍ രത്തന്‍ ടാറ്റയുടെ വിശ്വസ്തനും ടാറ്റാ സണ്‍സ് ഡയറക്ടറുമായ മലയാളിയായ ആര്‍.കെ.കൃഷ്ണകുമാറാണ് കത്തെഴുതിയത്.
മമതയുടെ നേതൃത്വത്തില്‍ അരങ്ങേറിയ സമരത്തെ തുടര്‍ന്ന് മുമ്പ് ടാറ്റയ്ക്ക് സിംഗൂരിലെ നാനോ കാര്‍ നിര്‍മാണ പ്ലാന്റ് പദ്ധതിയില്‍ നിന്ന് പിന്‍മാറേണ്ടിവന്നിരുന്നു. സിംഗൂരും നന്ദിഗ്രാമും ഉള്‍പ്പെടെയുള്ള പ്രശ്‌നങ്ങളില്‍ സിപിഎം നിലപാടിനോട് ബംഗാള്‍ ജനതയ്ക്ക് യോജിക്കാന്‍ കഴിയുമായിരുന്നു.
ഇതുതന്നെയാണ് മമതയ്ക്കുള്ള വോട്ടായി മാറിയതും. ഇത്തരമൊരു സാഹചര്യത്തില്‍ സംസ്ഥാനത്ത് ടാറ്റ നടത്താന്‍ പോകുന്ന അടുത്ത വ്യവസായങ്ങളോട് മമതയുടെ സര്‍ക്കാര്‍ എന്തുതരം സമീപനമായിരിക്കും കൈക്കൊള്ളുകയെന്നത് രാഷ്ട്രീയ ലോകം കൗതുകത്തോടെയാണ് വീക്ഷിക്കുന്നത്.
കഴിഞ്ഞ ദിവസം ടാറ്റാ മെഡിക്കല്‍ സെന്ററിന്റെ ഉദ്ഘാടനത്തിനായി കൊല്‍ക്കത്തിയിലെത്തിയ ടാറ്റാ ചെയര്‍മാന്‍ രത്തന്‍ ടാറ്റയോട്, മമതയുമായി സംസാരിച്ചിരുന്നോ എന്നു ആരാഞ്ഞപ്പോള്‍ ഇല്ല എന്നായിരുന്നു മറുപടി.
ഇതിനിടെ, മമതാ മന്ത്രിസഭയില്‍ ധനകാര്യ മന്ത്രിയാകുമെന്ന് കരുതപ്പെടുന്ന അമിത് മിശ്ര ടാറ്റയ്ക്ക് അനുകൂലമായ അഭിപ്രായവുമായി രംഗത്തെത്തിയിട്ടുണ്ട്. തീര്‍ച്ചയായും ടാറ്റ ബംഗാളിലേക്ക് വരുമെന്നാണ് പ്രതീക്ഷിക്കുന്നതെന്നും മമതാ ബാനര്‍ജി അവരെ പറഞ്ഞയക്കില്ലെന്നും അദ്ദേഹം പറഞ്ഞിട്ടുണ്ട്.
