യുഡിഎഫ് മന്ത്രിസഭ അധികാരമേറ്റു
2:21 PM
ഷിബു ബേബിജോണ് സത്യപ്രതിജ്ഞ ചെയ്തു
ഷിബു ബേബിജോണ് സത്യപ്രതിജ്ഞ ചെയ്യുന്നു. ഇംഗ്ലീഷിലുള്ള പ്രതിജ്ഞയാണ് അദ്ദേഹം തിരഞ്ഞെടുത്തത്. മന്ത്രിസഭയിലെ പുതുമഖാണ് ഇദ്ദേഹം. കൊല്ലം സ്വദേശിയാണ് ഷിബു ബേബി ജോണ്. തൊഴില് വകുപ്പാണ് ഷിബു ബേബി ജോണിന് ലഭിയ്ക്കുന്നത്.
2: 17 PM
ഗണേശ് കുമാര് സത്യപ്രതിജ്ഞ ചെയ്തു
കേരള കോണ്ഗ്രസ് നേതാവ് കെബി ഗണേഷ് കുമാറിനാണ് അടുത്ത ഊഴം. ഇത് രണ്ടാം വട്ടമാണ് ഗണേഷ് മന്ത്രിസഭയില് എത്തുന്നത്. വന് ഭൂരിപക്ഷത്തിനാണ് പത്തനാപുരത്തുനിന്നും ഗണേഷ് തിരഞ്ഞെടുക്കപ്പെട്ടത്. ദൈവനാമത്തിലാണ് ഗണേഷിന്റെ പ്രതിജ്ഞയും. സ്പോര്ട്സ്, ടൂറിസം വകുപ്പുകളാണ് ഗണേശ് കുമാര് കൈകാര്യം ചെയ്യുക.
2:15PM
ടിഎം ജേക്കബ് സത്യപ്രതിജ്ഞ ചെയ്തു
ടിഎം ജേക്കബ്(കേരള കോണ്ഗ്രസ് ജെ) സത്യപ്രതിജ്ഞ ചെയ്യുന്നു. ഇത് നാലാം തവണയാണ് ജേക്കബ് മന്ത്രിയാകുന്നത്. ദൈവനാമത്തിലാണ് ജേക്കബിന്റെ പ്രതിജ്ഞ. ഭക്ഷ്യ സിവില് സപ്പൈസാണ് ജേക്കബിന് ലഭിച്ചിരിക്കുന്ന വകുപ്പ്.
2:11PM
കെപി മോഹനന് സത്യപ്രതിജ്ഞ ചെയ്തു
കെപി മോഹനനാണ് അടുത്തതായി സത്യപ്രതിജ്ഞ ചെയ്യുന്നത്. സോഷ്യലിസ്റ്റ് ജനതയുടെ സ്ഥാനാര്ഥിയായിട്ടാണ് മോഹനന് തിരഞ്ഞെടുപ്പില് ജയിച്ചത്. 2001ലും, 2006ലും പെരിങ്ങളം എംഎല്എയായിരുന്നു കെപി മോഹനന്. കൃഷി, മൃഗസംരക്ഷണം എന്നിവയാണ് മോഹനന്റെ അധികാരപരിധിയില് വരുക.
2:08 PM
മാണി സത്യപ്രതിജ്ഞ ചെയ്തു
കേരള കോണ്ഗ്രസ് നേതാവ് കെഎം മാണിയാണ് സത്യപ്രതിജ്ഞ ചെയ്യുന്നത്. ദൈവനാമത്തിലാണ് മാണിയുടെ പ്രതിജ്ഞ. പന്ത്രണ്ടാം തവണ പാലായില് നിന്നും ജയിച്ച കെഎം മാണി പലറെക്കോര്ഡുകള്ക്കും ഉടമയായാണ് പുതിയ മന്ത്രിസഭയില് എത്തുന്നത്. ധനം, നിയമം എന്നീ വകുപ്പുകളാണ് മാണിയുടെ പരിധിയില് വരുക
2:06PM
കുഞ്ഞാലിക്കുട്ടി സത്യപ്രതിജ്ഞ ചെയ്തു
മുസ്ലീം ലീഗ് നേതാവ് പികെ കുഞ്ഞാലിക്കുട്ടി സത്യപ്രതിജ്ഞ ചെയ്യുന്നു. ദൈവനാമത്തിലാണ് ഇദ്ദേഹവും സത്യപ്രതിജ്ഞ ചെയ്യുന്നത്. വ്യവസായവകുപ്പിന്റെ ചുമതലയാണ് കുഞ്ഞാലിക്കുട്ടിയ്ക്ക് ലഭിയ്ക്കുക
2:02PM
ഉമ്മന്ചാണ്ടി സത്യപ്രതിജ്ഞ ചെയ്തു
സംസ്ഥാനത്തെ 21ആമത്തെ മുഖ്യമന്ത്രിയായി ഉമ്മന്ചാണ്ടി സത്യപ്രതിജ്ഞ ചെയ്തു. ദൈവനാമത്തിലായിരുന്നു അദ്ദേഹം പ്രതിജ്ഞയെടുത്തത്.
2: 01PM
ഉമ്മന് ചാണ്ടി മുഖ്യമന്ത്രിയായി സത്യപ്രതിജ്ഞ ചെയ്യുന്നു.
2:00PM
സംസ്ഥാനത്ത് പുതിയ മന്ത്രിസഭ അധികാരമേല്ക്കുന്നു. മുഖ്യമന്ത്രിയുടെയും മന്ത്രിമാരുടെയും സത്യപ്രതിജ്ഞ തുടങ്ങി. മുന് മുഖ്യമന്ത്രി വിഎസ് അച്യുതാനന്ദന് ഉള്പ്പെടെയുള്ള പ്രമുഖര് ചടങ്ങിനെത്തിയിട്ടുണ്ട്.
01:45 PM
Click it and Unblock the Notifications
Sign in with Google