മുല്ല ഒമര് കൊല്ലപ്പെട്ടതായി റിപ്പോര്ട്ട്
താലിബാന്റെ ആത്മീയ നേതാവായ ഒമറിനെ സെപ്റ്റംബര് 11 ആക്രമണത്തിനു ശേഷം യുഎസിന്റെ പിടികിട്ടാ പുള്ളികളുടെ പട്ടികയില് ഉമര് ഉള്പ്പെടുത്തിയിരുന്നു.
ഒമര് കൊല്ലപ്പെട്ടത് എങ്ങനെയെന്ന് മാധ്യമങ്ങള് വിശദീകരിച്ചിട്ടില്ല. എന്നാല് പാകിസ്താനിലെ സൈനിക ഉദ്യോഗസ്ഥര് ഇക്കാര്യം സ്ഥിരീകരിച്ചുവെന്ന് വാര്ത്താ ഏജന്സി റിപ്പോര്ട്ടു ചെയ്തു.
താലിബാന്റെ പാകിസ്താനിലെയും അഫ്ഗാനിസ്താനിലെയും നേതാവാണ് അമ്പത്തിരണ്ടുകാരനായ ഒമര്. 1996 മുതല് 2001 വരെ അഫ്ഗാനിസ്താന്റെ സ്വയം പ്രഖ്യാപിത തലവനായി പ്രവര്ത്തിച്ചിരുന്നു. . മുല്ല ഉമറിന്റെ തലയ്ക്ക് യുഎസ് ഒരു കോടി ഡോളര് പാരിതോഷികം പ്രഖ്യാപിച്ചിരുന്നു.
സെപ്തംബര് 11 ആക്രമണത്തിന് മുന്പ് ഉസാമ ബിന് ലാദനും താലിബാന് തീവ്രവാദികള്ക്കും സംരക്ഷണം നല്കിവന്നത് ഒമര് ആയിരുന്നു. അല് ക്വായ്ദ തലവന് ഉസാമ ബിന് ലാദന് പാകിസ്താനിലെ അബട്ടാബാദില് നടന്ന അമേരിക്കന് സൈനിക നടപടിയില് കൊല്ലപ്പെട്ടതിന് തൊട്ടുപിന്നാലെയാണ് ഒമറിന്റെ മരണവാര്ത്തയും പുറത്തുവരുന്നത്.
Click it and Unblock the Notifications
Sign in with Google