അടിയന്തരഘട്ടങ്ങളില് കലക്ടര്മാര് ഇടപെടണം
തിരുവനന്തപുരത്ത് വിളിച്ചുചേര്ത്ത ജില്ലാ കലക്ടര്മാരുടെയും റവന്യൂ ഉദ്യോഗസ്ഥരുടേയും യോഗത്തില് സംസാരിക്കുകയായിരുന്നു മുഖ്യമന്ത്രി. സര്ക്കാരിന്റെ പുനരധിവാസ പാക്കേജുകളുടെ നടത്തിപ്പ് ജില്ലാ ഭരണകൂടത്തിന്റെ ചുമതലയാണെന്നും അദ്ദേഹം കലക്ടര്മാരെ ഓര്മ്മിപ്പിച്ചു. പദ്ധതിനിര്വഹണ, മേല്നോട്ട സെല് രൂപീകരിക്കും അതിനായി ചീഫ് സെക്രട്ടറിയെ ചുമതലപ്പെടുത്തിയിട്ടുണ്ടെന്നും മുഖ്യമന്ത്രി പറഞ്ഞു. അനധികൃത ഭൂമി കയ്യേറ്റങ്ങള് ഒഴിപ്പിക്കണമെന്നും പട്ടയവിതരണം കാര്യക്ഷമമാക്കണമെന്നും ഉമ്മന്ചാണ്ടി പറഞ്ഞു.
ജനങ്ങളിലെത്തേണ്ട ആനുകൂല്യങ്ങള് കൃത്യമായി ലഭ്യമാകുന്നുണ്ടോ എന്ന കാര്യം ഉറപ്പുവരുത്താന് റവന്യൂജില്ലാ ഭരണകൂടത്തിന് കഴിയണം. അനധികൃത കയ്യേറ്റത്തിനെതിരെ കര്ശന നടപടി സ്വീകരിക്കണമെന്നും യോഗത്തില് മുഖ്യമന്ത്രി ആവശ്യപ്പെട്ടു. വികസനത്തിനായി ബലപ്രയോഗം ഒഴിവാക്കി ഭൂമി ഏറ്റെടുക്കാന് ശ്രദ്ധിക്കണം.
മണല്ക്ഷാമമാണ് സംസ്ഥാനം നേരിടുന്ന മറ്റൊരു പ്രശ്നം.പരിസ്ഥിതിക്കു കോട്ടം തട്ടാതെ അതു പരിഹരിക്കാന് കലക്ടര്മാര് നടപടിയെടുക്കണമെന്നു മുഖ്യമന്ത്രി ആവശ്യപ്പെട്ടു.
Click it and Unblock the Notifications
Sign in with Google