നികുതി റിട്ടേണ്: 5 ലക്ഷം ശംബളക്കാര് ഒഴിവാകും
ഇക്കാര്യം ജൂണ് ആദ്യവാരം വിജ്ഞാപനം ചെയ്യുമെന്ന് പ്രത്യക്ഷ നികുതിബോര്ഡ് ചെയര്മാന് സുധീര് ചന്ദ്ര അറിയിച്ചു. 2011-2012 സാമ്പത്തികവര്ഷത്തിലെ റിട്ടേണ് സമര്പ്പിക്കുന്ന കാലയളവില് പുതിയ തീരുമാനം പ്രാബല്യത്തിലാവുമെന്ന് ചെയര്മാന് പറഞ്ഞു. അതേ സമയം ഈ വിഭാഗത്തില്പ്പെടുന്നവര് റീഫണ്ട് ആവശ്യപ്പെടുന്നുണ്ടെങ്കില് റിട്ടേണ് സമര്പ്പിക്കണമെന്ന് അദ്ദേഹം വ്യക്തമാക്കി.
രാജ്യത്ത് 3.5 കോടി ആദായനികുതിദായകരുള്ളതില് പകുതിയോളവും ശമ്പളക്കാരാണ്. ഈയൊരു സാഹചര്യത്തില് വലിയൊരു വിഭാഗം ശംബളക്കാരെ റിട്ടേണ് ഫയല്ചെയ്യുന്നതില് നിന്ന് ഒഴിവാക്കിയാല് ലക്ഷക്കണക്കിന് ആളുകള്ക്ക് പ്രയോജനകരമാവും. ആദായനികുതി വകുപ്പിന്റെ ജോലിഭാരം കാര്യമായി കുറയുകയും ചെയ്യും.
ലാഭവിഹിതം, പലിശ എന്നിവയിലൂടെ വരുമാനം നേടുന്ന ശംബളക്കാരും ആദായനികുതി റിട്ടേണ് ഫയല് ചെയ്യേണ്ടആവശ്യമില്ല. എന്നാല് ആദായനികുതിയില് ഇളവ് കിട്ടുന്നതിനായി ഇവര് വിവരങ്ങള് തൊഴിലുടമയോട് വെളിപ്പെടുത്തേണ്ടതായി വരും.