രഹസ്യ അജണ്ടയില്ല: രാംദേവ്

ദില്ലി: അഴിമതിയ്ക്കും കള്ളപ്പണത്തിനുമെതിരെ താന്‍ പ്രഖ്യാപിച്ചിരിക്കുന്ന നിരാഹാര സമരത്തിന് പിന്നില്‍ രഹസ്യ അജണ്ടയോ രാഷ്ട്രീയ താല്‍പര്യങ്ങളോ ഇല്ലെന്ന് യോഗാ ഗുരു ബാബാ രാംദേവ്.

ആരെയെങ്കിലും ബുദ്ധിമുട്ടിക്കാനല്ല ജനങ്ങളുടെ ബുദ്ധിമുട്ട് പരിഹരിക്കാനാണ് നിരാഹാരസമരം നടത്തുന്നതെന്നും ബാബാ രാംദേവ് പറഞ്ഞു.അഴിമതിക്കെതിരെയുള്ള സത്യാഗ്രഹസമരം ശനിയാഴ്ച ആരംഭിയ്ക്കുമെന്നും രാംദേവ് വ്യക്തമാക്കി.

ജനാധിപത്യത്തെ ചിലര്‍ അഴിമതിയ്ക്കായി ഹൈജാക്ക് ചെയ്തിരിയ്ക്കുകയാണ്. നിരാഹാരസമരത്തിനായി രാം ലീലാ മൈതാനത്ത് ഒരുക്കിയ കൂറ്റന്‍ പന്തലില്‍ വെച്ച നടത്തിയപ്രസംഗത്തില്‍ രാംദേവ് പറഞ്ഞു.

ഇവിടെ ഉണ്ടാക്കിയ സൗകര്യങ്ങള്‍ കള്ളപ്പണം കൊണ്ട് ഒരുക്കിയതല്ല. നിരാഹാര സമരം ഏതെങ്കിലും വ്യക്തിയോ രാഷ്ട്രീയ പാര്‍ട്ടിയോ സ്‌പോണ്‍സര്‍ ചെയ്യുന്നതുമല്ല. ലക്ഷക്കണക്കിനാളുകള്‍ക്ക് വേണ്ടിയാണ് താന്‍ സംസാരിക്കുന്നതെന്നും രാംദേവ് പറഞ്ഞു. രാംദേവിന്റെ പ്രസംഗം കേള്‍ക്കാനെത്തിയ വന്‍ജനക്കൂട്ടമാണെത്തിയിരുന്നത്.

ഹസാരെയ്ക്ക് പിന്നാലെ രാംദേവും സത്യാഗ്രഹസമരം നടത്താനൊരുങ്ങുന്നത് യുപിഎ സര്‍ക്കാരിന് തലവേദനയായിട്ടുണ്ട്.

English summary

Baba Ramdev announced this afternoon that he will begin a "satyagraha" tomorrow with a hunger strike against corruption. The announcement will leave the government tense and in desperate need of the sort of relaxation exercises that the Baba regularly demonstrates in his televised yoga sessions that draw audiences of millions.