രാംദേവ്: സര്ക്കാരിന് സുപ്രീം കോടതിയുടെ നോട്ടീസ്
കേന്ദ്ര ആഭ്യന്തര സെക്രട്ടറി ജി.കെ.പിള്ള, ഡല്ഹി പോലീസ് മേധാവി ബി.കെ.ഗുപ്ത, ഡല്ഹി ചീഫ് സെക്രട്ടറി പി.കെ.ത്രിപാഠി എന്നിവര്ക്കാണ് , മാധ്യമ റിപ്പോര്ട്ടുകളുടെ അടിസ്ഥാനത്തില് നോട്ടീസ് അയച്ചത്. നോട്ടീസിന് രണ്ടാഴ്ചയ്ക്കകം മറുപടി നല്കണമെന്ന് ജസ്റ്റിസുമാരായ ബി.എസ്. ചൗഹാന് , സ്വതന്ത്രകുമാര് എന്നിവരടങ്ങിയ ബഞ്ച് ആവശ്യപ്പെട്ടു.
രാംദേവിനെയും അനുയായികളെയും സത്യാഗ്രഹ പന്തലില് നിന്ന് പാതിരാത്രിയില് അറസ്റ്റ് ചെയ്തു നീക്കിയതിന്റെ സാഹചര്യം വിശദീകരിക്കണമെന്നാണ് നോട്ടീസില് ആവശ്യപ്പെട്ടിരിക്കുന്നത്. കേസിലെ തുടര്വിചാരണ ജൂലായി രണ്ടാംവാരം നടക്കും.
തന്റെ സമരത്തിനെതിരേ സ്വീകരിച്ച നടപടിയില് കേന്ദ്രത്തോടും ദില്ലി പോലീസിനോടും വിശദീകരണം ആവശ്യപ്പെട്ട സുപ്രീംകോടതി നടപടിയെ ബാബ രാംദേവ് സ്വാഗതം ചെയ്തു. സുപ്രീംകോടതിയോട് അദ്ദേഹം നന്ദി പ്രകാശിപ്പിക്കുകയും ചെയ്തു.
പൊലീസ് നടപടിക്കിടെ തന്നെ സംരക്ഷിച്ച വനിതാ അനുയായികളോടും ബാബ രാംദേവ് നന്ദി പറഞ്ഞു. ഹരിദ്വാറില് സത്യാഗ്രഹം പുനരാരംഭിച്ച ബാബ രാംദേവ് അതിനിടെ മാധ്യമപ്രവര്ത്തകരോട് സംസാരിക്കുകയായിരുന്നു.
Click it and Unblock the Notifications
Sign in with Google