മുറിഞ്ഞുപോയ നടുവിരല്‍ കൊലയാളിയെ കുടുക്കി

ബാംഗ്ലൂര്‍: മുറിഞ്ഞുപോയ നടുവിരല്‍ കൊലക്കേസ് പ്രതികളെ കുടുക്കി. ബാംഗ്ലൂരിലെ വിനായക നഗറില്‍ മെയ് 31ന് നടന്ന കൊലപാതകത്തിന് പിന്നില്‍ പ്രവര്‍ത്തിച്ച സംഘമാണ് പൊലീസിന്റെ പിടിയിലായത്. നെയ്മത്തുള്ള എന്ന യുവാവായിരുന്നു കൊല്ലപ്പെട്ടത്.

സംഭവസ്ഥലത്തുനിന്നും വെട്ടിമാറ്റപ്പെട്ടനിലയില്‍ ഒരു നടുവിരല്‍ പൊലീസിന് ലഭിച്ചിരുന്നു. ഇതാണ് കൊലപാതകക്കേസിന് തുമ്പുണ്ടാക്കിയത്. വിരല്‍ കൊലപാതകിയൂടേത് തന്നെയാകുമെന്ന വിശ്വാസത്തിലാണ് പൊലീസ് അന്വേഷണം നടത്തിയത്.

വിരലില്ലാതെ ആരെങ്കിലും ചികിത്സയ്‌ക്കെത്തുന്നുണ്ടോയെന്ന് കണ്ടെത്താന്‍ എല്ലാ ആശുപത്രികളിലും പൊലീസ് നിര്‍ദ്ദേശം നല്‍കിയിരുന്നു. ഇതിനായി ആശുപത്രികളില്‍ കര്‍ശന നിരീക്ഷണവും ഏര്‍പ്പെടുത്തിയിരുന്നു.

മണിക്കൂറുകള്‍ക്കുള്ളില്‍ തന്നെ ബിസ്മില്ലാ നഗറിലെ ഒരു ആശുപത്രിയില്‍ നിന്നും നടുവിരലില്ലാതെ ഒരു യുവാവ് ചികിത്സയ്‌ക്കെത്തിയെന്ന് പൊലീസിന് സന്ദേശം ലഭിച്ചു.

തുടര്‍ന്ന് അവിടെ എത്തിയ പൊലീസ് എസ്. ആര്‍.നഗറിലെ സൈമുല്ല (23) എന്ന യുവാവിനെ അറസ്റ്റു ചെയ്യുകയായിരുന്നു. നാലുപേര്‍ ചേര്‍ന്നായിരുന്നു നെയ്മത്തുള്ളയെ കൊലപ്പെടുത്തിയത്.

സംഘാംഗമായ അലഹ്ബക്ഷയുടെ സഹോദരിയെ നൈമുള്ള ഡിസംബറില്‍ ശല്യപ്പെടുത്തിയിരുന്നുവത്രേ. ഇതിന് പകരം വീട്ടാനാണ് കൊല നടത്തിയത്. നൈയ്മുള്ളയുടെയും അലഹ്ബക്ഷയുടെയും കുടുംബാംഗങ്ങള്‍ കഴിഞ്ഞ പത്തുവര്‍ഷമായി ശത്രുതയിലാണ്. സംഭവത്തിലെ മറ്റുപ്രതികളായ സലീംഖാനും റിയാസ് പാഷയും അറസ്റ്റിലായിട്ടുണ്ട്.

English summary

A gruesome murder on May 31, which left the J J Nagar police baffled for a while, was finally solved as a result of pure detective skills,