14കാരിയെ വിവാഹം ചെയ്ത 28കാരന്‍ അറസ്റ്റില്‍

ചെന്നൈ: പ്രായപൂര്‍ത്തിയാകാത്ത പെണ്‍കുട്ടിയെ വിവാഹം ചെയ്ത യുവാവിനെ പൊലീസ് അറസ്റ്റുചെയ്തു. ചെന്നൈ വിഴിപുരത്തിനടുത്ത് താഴമതൂര്‍ ഗ്രാമത്തിലെ ശെല്‍വരാജന്‍(28)ആണ് അറസ്റ്റിലായത്.

ആദ്യ വിവാഹത്തിന്റെ കാര്യം മറച്ചുവച്ചാണ് ഇയാള്‍ പതിനാലുകാരിയെ വിവാഹം ചെയ്തത്. തുടര്‍ന്ന് ആദ്യഭാര്യ പഴനിയമ്മാല്‍ നല്‍കിയ പരാതിയെത്തുടര്‍ന്നാണ് പൊലീസ് ഇയാളെ അറസ്റ്റുചെയ്തത്.

വീട്ടുകാരുടെ നിര്‍ബ്ബന്ധപ്രകാരമാണ് ഇയാള്‍ സ്വന്തം ഗ്രാമത്തില്‍ത്തന്നെയുള്ള പെണ്‍കുട്ടിയെ വിവാഹം ചെയ്യാന്‍ തയ്യാറായതത്രേ.

പഴനിയമ്മാളുമായുള്ള ബന്ധത്തില്‍ ശെല്‍വരാജിന് രണ്ട് കുട്ടികളുണ്ട്. എന്നാല്‍ കഴിഞ്ഞ കുറച്ചു കാലമായി സ്ത്രീധന പ്രശ്‌നത്തിന്റെ പേരില്‍ ഇയാള്‍ ഭാര്യയുമായി അകന്നു കഴിയുകയായിരുന്നു.

പ്രശ്‌നം പരിഹരിച്ച് ഭാര്യയെ തന്റെ വീട്ടിലേക്ക് തിരികെ കൊണ്ടുവന്നതിനു ശേഷമായിരുന്നു ശെല്‍വരാജ് 14 കാരിയെ പുനര്‍വിവാഹം ചെയ്തത്. ഇതിന് അയാളെ പ്രേരിപ്പിച്ചതിന് ശെല്‍വരാജിന്റെ രക്ഷിതാക്കള്‍ക്കെതിരെയും പോലീസ് കേസെടുത്തു.

English summary

Police arresed a 28 year old man from Vizhupuram in Tamilnadu after he married a 14 year old girl. This marriage is considering as child marriage and illegal, police also registered a case against his parents.