വെള്ളാപ്പള്ളിയ്ക്ക് ജാമ്യമില്ലാ വാറണ്ട്

ആലപ്പുഴ: എസ്എന്‍ഡിപി യോഗം ജനറല്‍ സെക്രട്ടറി വെള്ളാപ്പള്ളി നടേശനെതിരെ കോടതിയുടെ ജാമ്യമില്ലാ അറസ്റ്റ് വാറണ്ട്.

ചേര്‍ത്തല സ്വദേശി കെ.കെ രമണന്‍ എന്നയാള്‍ നല്‍കിയ വഞ്ചനക്കേസില്‍ കോടതിയില്‍ ഹാജരാകാത്തതിനെ തുടര്‍ന്നാണ് ആലപ്പുഴ രണ്ടാം നമ്പര്‍ ജുഡീഷ്യല്‍ മജിസ്‌ട്രേറ്റ് കോടതി വാറണ്ട് പുറപ്പെടുവിച്ചത്.

കോടതിയില്‍ ഹാജരാകുന്നതിനെതിരെ വെള്ളാപ്പള്ളി ഹൈക്കോടതിയില്‍ നിന്നു സ്‌റ്റേ നേടിയിരുന്നു. എന്നാല്‍ ഈ ഉത്തരവിന്റെ പകര്‍പ്പ് ഇന്നു കേസ് പരിഗണിച്ച കോടതിയില്‍ ഹാജരാക്കിയിരുന്നില്ല. ഇതേ തുടര്‍ന്നാണ് വാറണ്ട്് പുറപ്പെടുവിച്ചത്. വഞ്ചനക്കേസില്‍ വെള്ളാപ്പള്ളി ഒന്നാംപ്രതിയാണ്. കേസില്‍ ഒന്‍പതു പ്രതികളാണുള്ളത്.

English summary

Alappuzha Num-2 Judecial Magistrate Court issued a nonbailalable warrant against SNDP yogam General Secretary Vellapally Nadesan,